Знайсці
30.11.2023 / 16:198РусŁacБел

«Зрабіў выснову, што нашыя змагары мелі рацыю». Праўладны правакатар схадзіў на прыём у аблвыканкам і расчараваўся ва ўладзе

Гомельскі правакатар Яўген Катляроў схадзіў на прыём грамадзян, які вёў намеснік старшыні Гомельскага аблвыканкама Андрэй Бараноўскі, і падзяліўся ўражаннямі. Катляроў апублікаваў на сваёй старонцы ў сацсетцы некалькі відэа на гэтую тэму, прыклаўшы запіс размовы з Бараноўскім. «Флагшток» іх паслухаў і даведаўся, чаму той, хто ладзіў правакацыі супраць апазіцыйных актывістаў і падтрымліваў рэжым, цяпер расчараваўся.

Яўген Катляроў. Скрын відэа

Катляроў патлумачыў, што хацеў узняць пытанне несправядлівай аплаты працы перавозчыкаў у Гомелі, а менавіта — паскардзіцца на «шэрыя» заробкі. Паводле яго, ён накіраваўся ў аблвыканкам і напісаў заяву аб тым, як незаконна заключаюцца дагаворы падраду. 

«Папрасіў удзяліць гэтаму ўвагу і выпадкова даведаўся, што заўтра ў Бараноўскага прыём грамадзян. Папрасіў сакратара запісаць мяне, абазначыў праблему — захацеў падняць яе, каб пачынаць з ёй змагацца. Дзяўчаты адказалі, маўляў, не трэба вам ісці на прыём — схадзіце спачатку туды, потым сюды.

Такое адчуванне, што тое, што там наверсе вырашаюць, на мясцовым узроўні ўсім пах*», — распавёў Катляроў.

У выніку гамельчуку адмовілі ў запісе на прыём да намесніка старшыні аблвыканкама. Ён па выхадзе з установы выклаў відэа, у якім распавёў, што «спрабаваў запісацца на прыём, але сакратаркі сказалі: не трэба турбаваць нашых служыцеляў закона». 

 

Намеснік старшыні аблвыканкама Андрэй Бараноўскі. Фота: «Гомельская праўда»

Як сцвярджае Катляроў, пасля таго, як ён выклаў гэтае відэа, «не прайшло і чатырох хвілін», як ператэлефанавалі і сказалі, што ён запісаны на прыём. 

Гамяльчук выказаў здагадку, што прыём у Бараноўскага нічога не дасць: «пакуюць, і ўсё застанецца на месцы, а тысячы людзей, якія працуюць кіроўцамі на перавозках, так і застануцца сацыяльна неабароненымі. А па тэлевізары і далей будзе ісці рэклама пра тое, як мы змагаемся з заробкамі ў канвертах і іншай несправядлівасцю, а людзей будуць запісваць у дармаеды». 

Назаўтра Катляроў апублікаваў новае відэа — пасля прыёму ў Бараноўскага — і заявіў: 

«Зрабіў выснову, што нашыя змагары мелі рацыю ў пэўнай меры, недалёкія ад ісціны. Таму што ўладу трэба дзяўбці і дзяўбці, фігуральна кажучы. Таму што калі прыходзіш на прыём да важнага чалавека пры пінжаку і гальштуку, і ён нават не дае задаць табе пытанне, ты паказваеш на парушэнне закону, а ён кажа, што парушэння няма… Вы нікому нах* не патрэбныя, усім пох*».

Паводле Катлярова, па сутнасці яго пытання яму адказалі, што «гэта не наша кампетэнцыя». Катляроў зрабіў выснову, што «наша ўлада наогул бяздзейнічае», а таксама выказаў здагадку, што выраз «Беларусь — краіна прыпісак» хутка будзе прызнаны экстрэмісцкім.

 У канцы відэа Катляроў перавёў камеру на скандальны флагшток на плошчы Леніна і абурыўся:

«Нах* яго было рабіць, калі можна было паставіць са значна меншымі выдаткамі на будынку Белтэлекама», — сімвалічна завяршыў свой аповед правакатар.

Чытайце таксама:

Стала вядома імя адміністратара таксічных гомельскіх паблікаў — расследаванне «Флагштока»

«Мне не застаецца нічога, акрамя як абвяшчаць галадоўку». Гомельскага правакатара Катлярова будуць судзіць

«Чый Крым, кажы. Слабо?» Бондарава наехала на гомельскага правакатара

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
12
Панылы сорам
7
Ха-ха
121
Ого
3
Сумна
4
Абуральна
11
0
Змагар/адказаць/
30.11.2023
“Не народ для ўраду, а ўрад для народу!” К. Каліноўскі.
0
лен/адказаць/
30.11.2023
Это не народная власть, которая подотчётная перед своими избирателями, а назначенцы, которым глубоко плевать на местное население, потому как они преданы не народу, а своему Хозяину. Неужели не доходит? Порка не будет местного самоуправления, пока не будут избирать мэров и губернаторов, а не назначать, то никто ваши проблемы решать не будет. 
0
Справедливое Общество для РБ/адказаць/
30.11.2023
Вы нікому нах* не патрэбныя, усім пох*».

Этот чел скорее всего так и никогда не поймёт, государство должно функцинировать иначе... Не чиновник какой-то ( без денег на это) должен решать вопросы, а Ваш депутат местный , выьбранный на Честных, Свободных и Прозрачных Выборах. И он будет решать Ваши вопросы, ведь он Вами выбран, иначе в след раз его не Выберут.Ведь этот депутат будет иметь возможность "вытащить" обижающего гражданина чиновника или его начальника на сессию гор( рай) Совета для отчёта. А если ещё и Закон обяжет Выбранную власть, транслировать в прямом эфире местного ТВ и Радио сессии гор( рай) Совета. Будет Результат. Итак: Честные, ПРозрачные и Свободные Выборы, трансляции в прямом эфире и Прозрачность работы ( максимальная) всех ветвей в том числе местной власти.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930