Знайсці
30.11.2023 / 15:093РусŁacБел

Брытанія адпраўляе баявыя караблі ў Балтыйскае мора

Міністр абароны Вялікабрытаніі назваў гэта гістарычнай падзеяй.

Эсмінец HMS Diamond закліканы гарантавацт бяспеку ў Персідскім заліве на фоне блізкаўсходняга абвастрэння. Фота: MOD

Вялікабрытанія, рэагуючы на рост напружанасці на Блізкім Усходзе, адправіла свой эсмінец у Персідскі заліў. Акрамя таго, з пачатку снежня марская эскадра пад камандаваннем Вялікабрытаніі пачне патруляваць воды Ла-Манша, Паўночнага і Балтыйскага мораў, ахоўваючы падводныя кабелі, паведамляе Бі-бі-сі.

Міністр абароны Вялікабрытаніі Грант Шэпс у сераду абвясціў, што ў Персідскі заліў і прылеглы рэгіён ідзе эсмінец каралеўскага флоту HMS Diamond. Там ён далучыцца да фрэгата HMS Lancaster і трох мінных тральшчыкаў.

Фрэгат HMS Lancaster і тры мінныя тральшчыкі каралеўскага флоту знаходзяцца ў рэгіёне Персідскага заліва з мінулага года.

«Гэта крытычна важна для Вялікабрытаніі, каб павялічыць нашу прысутнасць у рэгіёне, каб абараніць нашы інтарэсы ва ўсё больш нестабільным свеце», — сказаў Грант Шэпс.

Паводле яго слоў, адпраўка дадатковага карабля стане сігналам для Ірана і яго сатэлітаў у рэгіёне. Хусіты ў Емене і «Хезбала» ў Ліване з пачаткам вайны ў сектары Газа актывізаваліся і спрабуюць наносіць удары па Ізраілю.

ЗША з пачатку вайны адправілі ва ўсходнюю частку Міжземнага мора дзве авіяносныя групы, а ў Чырвоным моры трымаюць эсмінец, які ўжо перахопліваў ракеты і дроны, запушчаныя хусітамі па Ізраілю.

У сярэдзіне лістапада хусіты захапілі ў Чырвоным моры гандлёвае судна MV Galaxy Leader — на той падставе, што адным з саўладальнікаў фірмы, якая валодае суднам, з'яўляецца Ізраільцянін.

У паведамленні Міністэрства абароны Вялікабрытаніі аб адпраўцы HMS Diamond гаворыцца, што карабель дапаможа забяспечыць свабоду мараплаўства і марскога гандлю.

Праз праліў Баб-эль-Мандэб — вузкі ўваход у Чырвонае мора. Штодня праз яго праходзіць каля пяцідзесяці гандлёвых судоў, а праз Армузскі праліў — уваход у Персідскі заліў, ключавы маршрут экспарту нафты — у два разы больш.

Што тычыцца эскадры, якая будзе ахоўваць падводныя камунікацыі, то яна будзе складацца з сямі караблёў, задача якіх — патруляванне вод Ла-Манша, а таксама Паўночнага і Балтыйскага мораў.

Праект задуманы і будзе ажыццяўляцца Аб'яднаным экспедыцыйным корпусам (JEF) пад камандаваннем Вялікабрытаніі, у які таксама ўваходзяць практычна ўсе краіны Паўночнай Еўропы: Данія, Швецыя, Нарвегія, Ісландыя, Фінляндыя, Эстонія, Латвія і Літва.

Грант Шэпс назваў будучую сумесную марскую аперацыю гістарычнай падзеяй.

Ад каго сумесная эскадра будзе абараняць падводныя камунікацыі, брытанскі міністр не сказаў, але і Вялікабрытанія, і іншыя краіны Паўночнай Еўропы ў апошнія гады не раз выказвалі занепакоенасць адносна перасоўванняў расійскіх разведвальных судоў паблізу аб'ектаў інфраструктуры крытычнай важнасці.

У кастрычніку гэтага года ў Балтыйскім моры былі пашкоджаныя падводныя газаправод і кабель паміж Эстоніяй і Фінляндыяй. У гэтым выпадку пад падазрэнне трапіла кітайскае судна Polar Bear, якое магло пашкодзіць трубы якарам.

Падача газу паміж Фінляндыяй і Эстоніяй прыпыненая як мінімум да красавіка наступнага года, заявілі аператары абедзвюх краін.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
16
Панылы сорам
0
Ха-ха
1
Ого
2
Сумна
0
Абуральна
1
30.11.2023
Добрая навіна, будзе спакайней, бо Іран і ягоныя хаўрусьнікі дужа раздухарыліся ў тым рэгіёне. MV Galaxy Leader, гэта car carrier. Уладальнік - самы буйны ў гэтым сегменце перавозак бізнесмен, ізраільцянін, якому належыць кампанія Ray Car Carriers Ltd. З гэтага году ён спрабуе сябе і ў перавозцы нафты. А ў Персідскай затоцы дужа заклапочаныя эмбарга на супрацоўніцтва з Ізраілем у любым выглядзе. Напрыклад пры адгрузцы нафты ў КСА, капітан падпісвае гарантыю, што груз ня пойдзе да Ізраілю, і гэтая краіна ніякім чынам не ўдзельнічае ў яго перавозцы.
3
так-так/адказаць/
30.11.2023
Палякі ўжо адправіўшыя у той регіён ўчора сухапутныя войскі. Цяперака гэныя морам. Нешта даведаліся натаўцы, як напярэдадні 22-га... А нам вочы замыльваюць нібы заўчасным патруляваньнем. Фрэгат і тральшчыкі гэта не патруляваньнк, а вызначанныя дзеяньні.
0
Максим Дизайнер/адказаць/
01.12.2023
так-так,

Странно, что буксиров нет, учитывая "британское качество" 
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930