Знайсці
29.11.2023 / 09:49РусŁacБел

ХАМАС запрасіў Ілана Маска ў Газу

«Мы запрашаем яго наведаць Газу і ацаніць маштабы разбурэнняў і разні», — сказаў Усама Хамдан.

Ілан Маск (злева) і Біньямін Нетаньяху (пасярэдзіне) у кібуцы Кфар-Аза. Фота: Amos Ben-Gershom (GPO) Handout via Getty Images

Высокапастаўлены прадстаўнік палесцінскай тэрарыстычнай групоўкі ХАМАС Усама Хамдан пракаментаваў наведванне 27 лістапада амерыканскім прадпрымальнікам Іланам Маскам кібуца Кфар-Аза, які 7 кастрычніка перажыў напад тэрарыстаў, піша newsru.co.il.

«Мы запрашаем яго наведаць Газу і ацаніць маштабы разбурэнняў і разні. За 50 дзён на дамы безабаронных жыхароў сектара было скінута 40000 тон боепрыпасаў. Я заклікаю прэзідэнта ЗША Джо Байдэна перагледзець адносіны з Ізраілем і перастаць забяспечваць яго зброяй», — сказаў Хамдан, які знаходзіцца ў Бейруце.

27 лістапада заснавальнік кампаній Tesla і SpaceX, і ўладальнік сацыяльнай сеткі X (былы Twitter), разам з прэм'ер-міністрам Ізраіля Біньямінам Нетаньяху наведаў кібуц Кфар-Аза. Маск выказаў гатоўнасць садзейнічаць аднаўленню сектара Газа.

Бізнэсовец адзначыў, што неабходна нейтралізаваць тэрарыстаў, спыніць прапаганду гвалту, якая робіць з людзей забойцаў, а пасля гэтага зрабіць Газу квітнеючай. Ён сказаў, што «з радасцю б дапамог» аднаўленню Газы, у якой не будзе ХАМАС.

Чытайце таксама:

Ілан Маск прыляцеў у Ізраіль

Ілан Маск: ХАМАС павінен быць знішчаны

Джо Байдэн напісаў твіт пра ХАМАС і вайну. Сусветная прэса і сацсеткі гадаюць, што ён меў на ўвазе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
1
Ха-ха
2
Ого
1
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930