Знайсці
26.11.2023 / 23:211РусŁacБел

Як вярнуць шкарпэткам белы колер

Белыя шкарпэткі зноў у модзе. Але яны маюць вялікі недахоп — вельмі хутка забруджваюцца і пасля мыцця губляюць свой першасны колер. Вось некалькі спосабаў, якія дапамогуць ізноў зрабіць іх беласнежнымі.

Фота: Jeremy Moeller / Getty Images

З праблемай мыцця белых шкарпэтак сутыкаецца кожны. Звычайна для гэтага выкарыстоўваюць розныя адбельваючыя сродкі, якія могуць пашкодзіць структуру тканіны. Але ёсць больш простыя і не такія агрэсіўныя сродкі.

Бадай што найбольш вядомы і распаўсюджаны альтэрнатыўны спосаб — намыльванне папярэдне намочаных шкарпэтак гаспадарчым мылам. Пасля гэтага іх трэба пакласці ў пакет і завязаць. У залежнасці ад забруджання шкарпэткі пакідаюць на час ад некалькіх гадзін да сутак. Потым мыюць як звычайна.

Але ёсць і больш арыгінальныя спосабы.

Вярнуць бель шкарпэткам дапаможа звычайная павараная соль. Для гэта трэба іх на пятнаццаць хвілін замачыць у растворы цёплай вады з соллю. Затым дастаць і памыць як звычайна рукамі або ў пральнай машыне.

Другім сродкам можа быць замочванне шкарпэтак у растворы борнай кіслаты (адна сталовая лыжка на літр вады). Праўда, у гэтым выпадку давядзецца пачакаць гадзіны дзве.

Калі няма пад рукою борнай кіслаты, то дапаможа воцат. Спатрэбіцца 150 мл 9% воцату на літр цёплай вады. Працягласць замочвання залежыць ад ступені забруджанасці. Можа спатрэбіцца некалькі гадзін. Воцат да таго ж мае бактэрыцыднае і фунгіцыднае дзеянне, а таксама змякчае тканіну. У выніку шкарпэткі будуць прыемнымі навобмацак.

Яшчэ адным спосабам з'яўляецца замочванне шкарпэтак у растворы вады з свежа выціснутым сокам лімону. У шклянку выдушваецца сок двух лімонаў. Туды можна дадаць яшчэ 1 сталовую лыжку лімоннай кіслаты ў крышталях. Затым сок разбаўляецца дзвюма шклянкамі вады. Атрыманы раствор наносіцца на плямы. Тут спатрэбіцца пачакаць пару гадзін.

Фота: Getty Images

Калі плямы ўсё ж засталіся, то натрыце гэтыя месцы лімонам і трохі насыпце зверху соды. Можна спачатку прыгатаваць пасту, дадаўшы ў соду сок лімону. Лёгка патрыце іх рукамі і пакіньце на 15 хвілін (не больш!).

Соду можна выкарыстаць і асобна ад лімона. На адзін літр цёплай вады яе спатрэбіцца 2 сталовыя лыжкі. Замочваць рэкамендуецца цэлую ноч. Можна замачыць перад адыходам на працу. Вернецеся — памыеце.

Выратаваць шэрыя і пажоўклыя шкарпэткі дапаможа аспірын. На дзве шклянкі вады спатрэбіцца 5-8 таблетак. Замочваць рэкамендуюць паўгадзіны.

Агульныя рэкамендацыі. Перад замочваннем шкарпэтак звярніце ўвагу на тып тканіны. Шкарпэткі з воўны і сінтэтыкі далікатнейшыя за баваўняныя. Таму іх не рэкамендуецца замочваць на працяглы час і мыць у вадзе тэмпературай большай за 35-40%.

Калі вы ўжывалі воцат, то, каб пазбавіцца характэрнага паху, лепш дадаць падчас мыцця кандыцыянер для бялізны і сушыць шкарпэткі на свежым паветры.

Для павышэння эфектыўнасці мыцця рэкамендуецца пакласці ў барабан некалькі спецыяльных мячыкаў для мыцця. Падыдуць і мячы для тэнісу. Гэта забяспечыць дадатковае трэнне і дапаможа адмыць нават трывалыя забруджанні.

Чытайце яшчэ:

Дзесяць месцаў у ванным пакоі, якія вы, хутчэй за ўсё, прыбіраеце недастаткова добра

Хочаце лёгка і танна пачысціць мікрахвалёўку? Вось некалькі спосабаў

Дадайце соду ў пральную машыну — эфект вам спадабаецца

Гэты метад дапаможа вам зэканоміць на мыцці адзення. Ён вельмі просты

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
12
Панылы сорам
1
Ха-ха
9
Ого
3
Сумна
1
Абуральна
3
0
дочка Максима Дизайнера ўся ў чорным/адказаць/
26.11.2023
"З праблемай мыцця белых шкарпэтак сутыкаецца кожны."
ну вось няпраўда - не кожны. няма белых шкарпэтак - няма праблем.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930