Знайсці
22.11.2023 / 19:475РусŁacБел

Кіньце ў пральную машыну лаўровы ліст. Вы будзеце задаволеныя

Лаўровы ліст варта выкарыстоўваць не толькі пры гатаванні ежы. Ён дапаможа і пры пранні бялізны. Дастаткова некалькіх штук, каб заўважыць эфект. Вось што раяць людзі, якія самі паспрабавалі.

Пра гэты спосаб выкарыстання лаўровага ліста ведалі нашы бабулі, але цяпер пра гэта забыліся. Гэтая прыправа дапамагае выратаваць запэцканае адзенне і вярнуць яму першапачатковы выгляд.

Як раяць дасведчаныя людзі, лаўровы ліст можна проста ўкінуць у пральную машыну, але лепшы эфект атрымаецца, калі прыгатаваць з яго адвар, у якім замачыць запэцканае адзенне.

Для прыгатавання адвару ў залежнасці ад аб'ёму адзення, трэба ўзяць ад некалькіх да дзясятка штук лаўровага ліста, заліць вадою і давесці да кіпення. Пасля таго, як вадкасць астыне, у ёй замочваюць адзенне і пакідаюць на некалькі гадзін. Затым добра выціснутае адзенне неабходна памыць у пральнай машыне ці ўручную.

Гэты трук лепш за ўсё працуе з белым адзеннем. Але калі лаўровы ліст не дапамагае, то ёсць іншыя народныя сродкі.

Адзін з іх — засыпаць у пральную машыну дзве сталовыя лыжкі солі. Яна не толькі дапаможа пазбавіцца плямаў, але і ажывіць колеры ды прадухіліць лінянне ў выпадку каляровых тканін.

Яшчэ адным сродкам захавання колеру бялізны і адзення з'яўляецца яечнае шалупінне. Да таго ж яму ўласцівы мяккі адбельваючы эфект. У адрозненне ад адбельвальніку, шалупінне не пашкодзіць тканіны.

Перад тым, як пакласці ў пральную машыну, змясціце шалупінне ў невялічкі мяшэчак з ільну і моцна завяжыце. Колькасць шалупіння трэба падбіраць, зыходзячы ад інтэнсіўнасці забруджання бялізны. У найбольш складаных выпадках можа спатрэбіцца некалькі мяшэчкаў з яечным шалупіннем.

Дасведчаныя хатнія гаспадыні ведаюць, што адным з найлепшых сродкаў для адбельвання зʼяўляецца перакіс вадароду. Для дасягнення эфекту дастаткова дадаць замест адбельвальніку шклянку гэтага сродку.

Пры пранні моцна забруджаных тканін дапаможа харчовая сода. Трэба развесці 1 шклянку соды ў 8-10 літрах вады пакаёвай тэмпературы ці крыху цяплейшай і замачыць у гэтым растворы рэчы на некалькі гадзін, а лепш — на ноч. Калі забруджванне вельмі моцнае, рэкамендуецца дадаць 1/3 шклянкі соды проста ў барабан пральнай машыны.

Захаваць колеры насычанымі дапаможа чорны молаты перац. Чайную лыжку гэтай прыправы трэба дадаваць у барабан пральнай машыны пасля загрузкі рэчаў і непасрэдна перад запускам.

Злучыўшыся з мыйным сродкам, перац забярэ з вымытага адзення яго лішкі. Вядома, што менавіта лішкі мыйных сродкаў, якія адклаліся на адзенні, вінаватыя ў лінянні колераў. Пасля мыцця дастаткова стрэсці рэшткі перцу з адзення (калі яны яшчэ засталіся пасля паласкання).

Вышэйназваныя метады не заўсёды будуць эфектыўнымі. Таму рэкамендуецца выкарыстоўваць іх па некалькі разоў ці спалучаць, напрыклад, замочванне з лаўровым лістом і харчовай содай. Трэба памятаць і пра асцярожнае абыходжанне з далікатнымі тканінамі.

Чытайце яшчэ:

Не выкідайце лупіны бананаў — для іх ёсць добрае прымяненне

Пяць спосабаў выкарыстаць лішнюю кававую гушчу

Антось Жупран

Хочаш падзяліцца важнай інфармацыяй
ананімна і канфідэнцыйна?

label.reaction.like
22
label.reaction.facepalm
12
label.reaction.smile
5
label.reaction.omg
6
label.reaction.sad
5
label.reaction.anger
8
23.11.2023
эфектыўны спосаб - пральны парашок + алей. замачыць на некалькі гадзін. спосаб здаецца незвычайным, але ён сапраўды працуе - выдаляюцца застарэлыя і здавалася б безнадзейныя плямы
0
ЯНКА/адказаць/
24.11.2023
х, паспрабуйце «Ваніш», меней будзе мітусьні.
24.11.2023
ЯНКА, «Ваніш» найбольш эфектыўны ў спалучэньні з курыным памётам. Паспрабуйце...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930