Знайсці
20.11.2023 / 19:015РусŁacБел

«Разорвать связь с Россией?!?! Да в этой связи наша сила!!!» Хто такія праўладныя тролі, якія імітуюць грамадскую думку ў рэгіянальных пабліках?

Каментары на старонках дзяржаўных раённых газет у сацсетках — з'ява рэдкая. Але часам пад некаторымі пастамі ў пабліках раёнак Гомельскай вобласці ўзнікаюць цэлыя плыні каментароў, прычым з аднапалярнымі меркаваннямі. На гэтую тэндэнцыю звярнуў увагу «Флагшток», правёўшы невялікае расследаванне на прыкладзе аднаго з выданняў, хто гэтыя каментары піша.

Як правіла, каментары з'яўляюцца пад тымі пастамі, сцвярджэнні ў якіх трэба падтрымаць ідэалагічна «правільным» меркаваннем, альбо пасля таго, калі пад якім-небудзь пастом з'яўляецца негатыўны каментар або меркаванне, якое не супадае з пасыламі прапаганды.

Гэта добра заўважна па пабліку газеты «Петрыкаўскія навіны» ў сацсетцы «УКантакце». Каментар, які не спадабаўся рэдакцыі, тут звычайна выдаляюць, але ў адказ пакідаюць некалькі каментароў, якія ганяць апанента, высмейваюць яго пазіцыю, дублююць прапагандысцкія штампы.

Скрыншот старонкі «Петрыкаўскія навіны» ў сацсетцы «УКантакце»

«Флагшток» паглядзеў, што з сябе ўяўляюць тролі, якія пакідаюць каментары на старонцы петрыкаўскай раёнкі.

Напрыклад, гэта карыстальнік з імем «Люда Николаева». У яе закрыты профіль, але, як удалося высветліць, гэта сябра праўладнага «Беларускага саюза жанчын» Людміла Батан, якая ўжо станавілася гераіняй публікацый раённай газеты. Напрыклад, дэманстратыўна ўскладала кветкі напярэдадні афіцыйнага Дня незалежнасці, казала пра «гонар за краіну», «мірнае неба» і «ўпэўненасць у заўтрашнім дні». Была сяброўкай выбарчай камісіі — як мінімум аднойчы, у 2016 годзе.

Скрыншот старонкі «Петрыкаўскія навіны» ў сацсетцы «УКантакце»

Таксама сярод каментатараў — Таццяна Рыбак, мяркуючы з інфармацыі на старонцы — супрацоўніца мясцовага аддзела адукацыі.

Аднак большасць акаўнтаў, з якіх пакідаюць «патрэбныя каментары», — фэйкавыя. На іх старонках няма ніякай інфармацыі, няма сяброў, а падпіска толькі адна — на «Петрыкаўскія навіны».

Галіна Казак. Фота: яе старонка ў сацсетцы

У той жа час адна з тых, хто найбольш актыўна «троліць» у пабліку петрыкаўскай раёнкі — яе ж галоўная рэдактарка Галіна Казак. Калі ў жніўні 2020-га яна размяшчала на сваёй асабістай старонцы заклік «пачуць адно аднаго», то цяпер на меркаванне карыстальніка «як можна так ставіцца да грамадзян краіны, каб пазбавіць іх магчымасці мяняць пашпарт за мяжой», адказвае (арфаграфія і пунктуацыя захаваная):

«Приедь, поменяй паспорт и живи дальше… А коль гражданином РБ являешься чисто наминально и весьма условно… Я понимаю о чем вы: в граждане европейских стран не берут, так пусть хоть РБ останется. Так вот нет, правильный закон и своевременный».

Або:

«У нас война? Где???? Разорвать связь с Россией?!?! Да в этой связи наша сила!!! Во времена Советского Союза глянуть косо в нашу сторону боялись. А все почему? Потому что в единстве сила!»

Таксама актыўна прасоўвае штампы прапаганды ў каментарах адказная сакратарка петрыкаўскай раёнкі Святлана Собалева. Сваю старонку яна апошнім часам не абнаўляе, але выкарыстоўвае яе ў пабліку газеты для стварэння бачнасці масавай падтрымкі рэжыму.

Чытайце таксама:

Афіцэр КДБ уключыўся ў жывы эфір семінара па бяспецы ў Беларускім моладзевым хабе

«Хто ўсіх здзівіў, дык гэта Прыдыбайла». Адзін з былых кіраўнікоў Студсаюза БДУ разважае пра закрыццё арганізацыі

Тонкі намёк? Топ-чыноўнікі не прыйшлі на адкрыццё помніка Аляксандру Неўскаму, а сам помнік тлумачаць «даніной павагі расейцам»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Алек. Ру/адказаць/сачыць
20.11.2023
Гляджу на гэтую Казак і не разумею, як сучаснай жанчыне можна ТАК выглядаць- сау́дэпау́скі касцюм з нейкай блямбай, сау́дэпау́ская фрызура 50гадовай дау́ніны, погляд з плаката сталінскіх часоу́... Падазраю, і астатнія фанаткі той туалетнай газэткі выглядаюць не лепш... Шчыра скажу, хачу памыліцца😊😊😊
0
Аўтальмолаг/адказаць/сачыць
20.11.2023
Паглядзіце колькі страху ў вачах гэты жанчыны. Вельмі страшна ябацькам і служкам лукавага.
0
Железный Дровосек/адказаць/сачыць
21.11.2023
Как же это гадючье отродье за***ло! Какие-те нелепые тетки,ходячие онучи орды ноют о совке?—ползите нах в свою орду,недоразвитые!!! Не любишь Беларусь,так катись в свой воронеж,шлак!(лит.)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031