Знайсці
06.10.2023 / 20:404РусŁacБел

«Смяюся, а ў горле ком». NaviBand выпусціў новы сінгл для тых, хто сумуе па доме

Напярэдадні вялікага гастрольнага тура па краінах Еўропы гурт NaviBand выдаў сінгл і прома-відэа «Поезд», у якіх настальгуе па роднай Беларусі. «Поезд» — гэта перакладзеная на беларускую мову і цалкам перазапісаная песня «Вдаль». Пасля вымушанага ад’езду з Беларусі яна набыла для музыкаў новы сэнс.

«З любоўю і сумам да роднага краю. Усім, хто не дома, прысвячаецца», — пішуць музыкі ў сваіх сацсетках.

«У сучасных абставінах для нас гэтая песня пра тое, што шмат каму давялося пакінуць свой дом, сесці ў свой умоўны непажаданы цягнік і паехаць у бок невядомасці.

Песня пра сум па радзіме, але з надзеяй на лепшае», — распавядае аўтар песні і перакладу Арцём Лук’яненка.

Пра гэта ж — радзіму і надзею — распавядае і размешчанае ў сацсетках гурта прома-відэа, якое гурт зрабіў з мастачкай Аленай Катоўскай.

«Як і ўсе вымушаныя з’ехаць, мы часам сядзім і пераглядаем свае старыя здымкі з Беларусі, павялічваючы іх, каб узгадаць дэталі, перажыць гэтыя моманты ізноў», — дадае Арцём.

Менавіта ў гэтай версіі песня гучыць зараз на канцэртах гурта NaviBand, якія хутка распачне вялікі еўрапейскі тур.

Выступы адбудуцца ў Познані (17 кастрычніка), Уроцлаве (18 кастрычніка), Берліне (21 кастрычніка), Мюнхене (22 кастрычніка), Празе (23 кастрычніка), Кракаве (25 кастрычніка), Лімасоле (9 лістапада), Любліне (16 лістапада), Вільні (18 лістапада), Рызе (19 лістапада). 

Сінгл «Поезд» даступны на ўсіх пляцоўках.

У інстаграм-роліку можна ўбачыць не толькі ілюстрацыі з музыкамі, але і любімыя месцы з розных беларускіх гарадоў: «Вароты Мінска», Асмалоўку, драмтэатр у Гродне, вакзал у Брэсце і іншыя.

Чытайце таксама:

Выйшаў Emigrant Song, новы трэк гурта Leibonik 

«Дай Дарогу!» выпусціў кліп «Я вярнуся дадому»

«Каб не было дарогі назад». Гурт VOLSKI анансаваў альбом «Лісты палітвязням»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
19
Панылы сорам
3
Ха-ха
1
Ого
0
Сумна
1
Абуральна
0
06.10.2023
Malaicy. Udaczy. Zyve Belarus !
07.10.2023
Удаль ад'язджае поезд на каторы я не хацеў садзiцца Па-беларуску: удалечыню ад'язджае цягнiк, на якi я не хацеў сядаць.
0
баба Валя/адказаць/
07.10.2023
сижу, реву :(
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера