Знайсці
02.10.2023 / 15:1110РусŁacБел

У Расіі ёсць ужо 110 помнікаў Сталіну. 95 з іх паставілі пры Пуціне

Толькі 9% манументаў захаваліся з савецкіх часоў.

Фота з сайта «Можем объяснить»

Тэмпы ўзвядзення помнікаў паскорыліся пасля анексіі Крыма ў 2014 годзе. Такую статыстыку прыводзіць «Можем об'ясніть».

Толькі 9% манументаў захаваліся з савецкіх часоў, а пераважная большасць з'явілася ў апошнія 20 гадоў, у гады кіравання Уладзіміра Пуціна.

Напярэдадні ў Цвярской вобласці ў Медным — на месцы пахавання ахвяр рэпрэсій — быў усталяваны бюст Сталіна і шэрага іншых савецкіх правадыроў. Сцвярджаецца, што гэта частка нейкай выставы, пакуль незразумела, ці застанецца бюст на гэтым месцы пастаянна.

Гэты помнік стаў чацвёртым, усталяваным у Расіі з пачатку шырокамаштабнага ўварвання ва Украіну, прычым адкрыццё кожнага з іх абгрунтоўвалася лозунгамі ваеннай прапаганды.

У 1990-я гады ў Расіі паставілі толькі пяць помнікаў Сталіну, пры Пуціне пачалі ставіць прыкладна па чатыры помнікі ў год. Гэтая колькасць павялічылася пасля анексіі Крыма (дзе таксама ёсць помнікі Сталіну, але ў спісе яны не пазначаныя).

У тройцы лідараў па колькасці населеных пунктаў са скульптурамі Сталіна — Паўночная Асеція, Дагестан і Якуція.

Помнікі, як правіла, не ставяць на цэнтральных плошчах ці вуліцах, тыповы помнік Сталіну — гэта бюст, усталяваны па ініцыятыве прыватных асоб або арганізацый, такіх як КПРФ, нярэдка іх ставяць на тэрыторыі музеяў або прыватных уладанняў.

Аднак апошнім часам усё часцей помнікі ўзводзяцца па ініцыятыве мясцовых уладаў, а на іх адкрыцці з'яўляюцца службовыя асобы.

Чытайце таксама:

У Расіі выставілі на таргі лецішча Сталіна. Цана пытання — 4 мільёны даляраў

На тэрыторыі мемарыяла ахвярам рэпрэсій у Расіі паставілі бюсты Сталіна, Дзяржынскага і Леніна

У Магілёве прыводзяць у парадак месца сталінскіх расстрэлаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Интеграл/адказаць/
02.10.2023
Вася, сразу видно что ты валенок, интеграл не брал, «преумножить» ты совковый. Твой сралин уничтожал интеллигенцию, а колхозное быдло размножалось, так и появлялись васи, наследники гэбни.
0
Дзіўна /адказаць/
02.10.2023
mikola, Што ёсьць «фасгысты»? Па-беларуску мымаем слова «фашысты/fašysty».
03.10.2023
На фота бюст Дзюжава з вусамі
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера