Знайсці
02.10.2023 / 12:51РусŁacБел

Названыя першыя лаўрэаты нобелеўскай прэміі

Сёння ў Стакгольме стартаваў Нобелеўскі тыдзень — абвяшчэнне нобелеўскіх лаўрэатаў. Першымі называюцца нобелеўскія лаўрэаты ў галіне фізіялогіі і медыцыны.

Фота: nobelprize.org

Нобелеўская прэмія па фізіялогіі і медыцыне 2023 года прысуджана Каталін Карыко і Дру Вайсману «за іх адкрыцці, якія датычаць мадыфікацый нуклеазідных асноў, што дазволілі распрацаваць эфектыўныя мРНК-вакцыны супраць COVID-19».

У аўторак абвесцяць уладальніка прэміі па фізіцы, у сераду — па хіміі, у чацвер — па літаратуры.

У 2015 годзе нобелеўскай лаўрэаткай па літаратуры стала беларуская пісьменніца Святлана Алексіевіч.

Лаўрэата прэміі міру назавуць у пятніцу ў Осла (Нарвегія). 

Год таму Нобеля заваяваў старшыня праваабарончага цэнтра «Вясна» Алесь Бяляцкі, які на той час ужо 15 месяцаў быў за кратамі. У сакавіку 2023 года яго асудзілі на 10 гадоў калоніі.

І апошні лаўрэат будзе названы ў наступны панядзелак, гэта лаўрэат прэміі па эканоміцы.

Нобелеўская прэмія 2023 года прадугледжвае ўзнагароду ў 11 млн шведскіх крон (каля 980 тысяч даляраў).

Уручэнне нобелеўскіх прэмій праходзіць у снежні.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031