Знайсці
27.09.2023 / 19:422РусŁacБел

У Магілёве асудзілі фігуранта «справы артапедаў» Алега Сарнацкага

У Кастрычніцкім судзе Магілёва вынеслі прысуд загадчыку артапедычнага аддзялення Магілёўскай бальніцы №1 Алегу Сарнацкаму, паведамляе прэс-служба Генеральнай пракуратуры. Яму інкрымінавалі прыняцце незаконнага ўзнагароджання ў асабліва буйным памеры.

Алег Сарнацкі. Фота: belarusinfo.by

Згодна з матэрыяламі справы, абвінавачаны з 2018 года да сакавіка 2022-га нібыта сістэматычна атрымліваў грашовыя сродкі ад прадстаўнікоў камерцыйных арганізацый — пастаўшчыкоў эндапратэзаў за кожную праведзеную аперацыю па татальным эндапратэзаванні тазасцегнавога або каленнага суставаў з матэрыялаў іх вытворчасці.

За ўвесь час былы загадчык аддзялення нібыта атрымаў узнагароджанне ў памеры 750 даляраў ЗША і звыш 15 тыс. еўра.

Паведамляецца, што ў ходзе судовага следства абвінавачаны чыстасардэчна раскаяўся і кампенсаваў у поўным аб'ёме даход, атрыманы незаконным шляхам.

Суд Кастрычніцкага раёна Магілёва вынес абвінаваўчы прысуд, але ў калонію Алега Сарнацкага пакуль не адправяць. Яму прызначана пакаранне ў выглядзе пазбаўлення волі на тэрмін 4 гады з адтэрміноўкай яго выканання на 2 гады са штрафам у памеры 600 базавых велічынь (22,2 тыс. рублёў).

57-гадовага Алега Сарнацкага затрымалі летась у сакавіку. Тады ён быў загадчыкам артапедычнага аддзялення Магілёўскай бальніцы №1. На гэту пасаду яго прызначылі ў кастрычніку 2012 года.

Па вызваленні са следчага ізалятара Сарнацкага адправілі шараговым траўматолагам у Магілёўскую абласную бальніцу.

Летась у канцы сакавіка па краіне былі затрыманы 35 траўматолагаў. Большасць з іх былі кіраўнікамі траўматалагічных аддзяленняў. За кратамі апынуліся таксама прадстаўнікі пяці камерцыйных арганізацыяў.

Усіх вінавацілі ў атрыманні хабару за лабіраванне набыцця эндапратэзаў у замежных вытворцаў, а таксама ў незаконным грашовым узнагароджанні.

Каб выйсці на волю, затрыманыя меліся прызнаць віну, кратна сплаціць нанесеную шкоду і пагадзіцца працаваць там, дзе скажа міністр аховы здароўя.

У красавіку большасць медыкаў была вызвалена. Некаторыя вымушана сталі прадаваць маёмасць, каб разлічыцца. 

Чытайце таксама:

У Магілёве судзяць двух дактароў па «справе артапедаў». Адзін з іх вучыў сына былога міністра аховы здароўя

«Патраціў 8 тысяч даляраў на зубы». У колькі беларусам абыходзяцца стаматалагічныя паслугі?

«Адзін будзе мяняць, а двое — зашываць рану». Лукашэнка даручыў да канца года зрабіць аперацыі па эндапратэзаванні ўсім, хто стаіць у чарзе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Бобр/адказаць/
27.09.2023
Я бы в данных статьях бы писал, где достал эти деньги осуждённый: продал машину, квартиру, одолжил у друзей. Чтоб посочувствовать человеку. А так выходит, что у него есть сейф и достал сумму по первому требованию
27.09.2023
nekatoryh prosta- PADSTAVILI !
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031