55-гадовая вяскоўка ганяла на ровары да сябра і заадно падпальвала калгаснае поле
Гэтыя выпадкі зафіксаваныя ў Кобрынскім раёне.
Ілюстрацыйнае фота 112.by
Жанчына ездзіла на ровары да каханага ў суседнюю вёску. Першы падпал яна здзейсніла ў ноч на 2 верасня, паведаміў тэлеграм-канал «Обратная сторона».
Праязджаючы міма калгаснага поля, жанчына ўбачыла сцірту саломы, чыркнула запалкай і паехала далей.
Другі эпізод быў 20 верасня, калі яна зноў ехала па тым жа маршруце. І зноў чыркнула запалкай. Аднак гэтым разам яе затрымаў аператыўнік, які праязджаў міма. У міліцыі жанчына ва ўсім прызналася.
Вынік: крымінальная справа за падпал і шкода на 10 тысяч рублёў.
Чытайце таксама:
Жыхар Рэчыцы, які падпаліў машыну разам з сабой, памёр у шпіталі
У цэнтры Астраўца згарэў пункт продажу шаўрмы ВІДЭА
Пад Рэчыцай п'яны муж абліў сваю былую жонку бензінам і кінуў запалку
