Знайсці
26.09.2023 / 08:445РусŁacБел

Кадыраў прыгразіў Сабчак, каб «не чапала» яго сям'ю, і патлумачыў выхадку свайго сына ў СІЗА

Кіраўнік Чачні Рамзан Кадыраў патэлефанаваў блогерцы Ксеніі Сабчак, каб растлумачыць ёй паводзіны свайго 15-гадовага сына Адама ў СІЗА і «папярэдзіць» аб наступствах асвятлення жыцця яго сям'і. Аб гэтым Сабчак 15 верасня падрабязна напісала ў тэлеграм-канале.

Рамзан Кадыраў са сваім 15-гадовым сынам Адамам, які збіваў на відэа затрыманага расіяніа ў СІЗА. Калаж: Наша Ніва

Сабчак піша, што запісаць размову ёй не было чым, таму яна пераказвае. 

Па словах блогеркі, размова ішла па відэа і доўжылася хвілін 40. Кадыраў, паводле Сабчак, дазволіў гэта апублікаваць, але пры гэтым не пагадзіўся на паўнавартаснае інтэрв'ю.

Падчас размовы Кадыраў пытаўся, чаму яна піша пра ягоную смерць і кранае тэму яго сям'і і сына.

Кадыраў: Чаму ты кажаш, што я памёр?

Сабчак: Я такога не казала, я спасылалася на крыніцы.

Кадыраў: Чаму ты чапаеш маю сям'ю?

Сабчак: Я не чапала.

Кадыраў: Чаму ты чапаеш майго сына?

Сабчак: Ну вы ж самі выклалі відэа і напісалі, што ганарыцеся. Навошта вы гэта выклалі і напісалі?

Кадыраў: Я не хачу гэтага хаваць, няма ніякага сэнсу гэта хаваць.

Сабчак: А вы яго каралі пасля гэтага?

Кадыраў: Не, ён малайчына, ён павёў сябе як сапраўдны мужчына.

Так Кадыраў ацэньвае паводзіны свайго сына Адама, дзе той на відэа збіў зняволенага ў СІЗА — расіяніна Мікіту Жураўля, затрыманага за спаленне Карана. Відэа яшчэ ўчора выклаў сам Кадыраў, суправадзіўшы гэта пахвалой на адрас сына.

Кадыраў распавёў Сабчак сваю версію здарэння, якая не выглядае праўдзівай. 

«Мы прыйшлі ў СІЗА, бо Журавель хацеў паразмаўляць са мной асабіста. Сказаў, што хоча прыняць іслам, але я назваў яго шайтанам, які проста хоча выратаваць сваю шкуру. Такія мусульмане мне не патрэбны.

Я яму нічога не рабіў, бо я законапаслухмяны грамадзянін. Але пасля сыходу не заўважыў, што ў кабінеце застаўся Адам. Пачаліся крыкі, паслаў ахоўніка іх разнімаць. Адам у мяне тэмпераментны і самастойны», — распавёў Кадыраў у размове з Сабчак.

Гэта версія не падобная да праўды, бо Адам, відавочна, не застаўся адзін, і як мінімум нехта тое збіццё здымаў на відэа, а яшчэ нехта пільнаваў зняволенага. І тое, што сам Кадыраў апублікаваў злачынства свайго сына, сведчыць, што такі піяр быў неабходны сыну Кадырава. 

У размове з Сабчак кіраўнік Чачні адзначыў, што калі суд прызнае яго сына вінаватым, тады той «панясе пакаранне па ўсёй строгасці закона».

Але пры гэтым Кадыраў дадаў, што калі Сабчак не падабаюцца паводзіны Адама, то няхай піша заяву і першая выходзіць на пікет, «але сям'ю чапаць няможна». 

«Выходзь на пікет, табе за гэта нічога не будзе, абяцаю. Можаш і ў Чачню прыехаць у госці, там усё таксама з табой будзе нармальна. Пішы пра мяне ўсё, што заўгодна, але пра сям'ю няможна, папярэджваю», — заявіў Кадыраў.

Сабчак у адказ на гэта ў сваім канале напісала, што пакуль не будзе вывозіць сваю рэдакцыю з Расіі, «але замежныя пашпарты ўжо падрыхтавалі».

Чытайце таксама:

Кадыраў заявіў, што трое яго непаўналетніх сыноў удзельнічалі ў баі ва Украіне

Грозны (разбураны Расіяй у 1995 годзе) і Марыупаль (разбураны Расіяй у 2022-м) сталі гарадамі-пабрацімамі

«Дзе вы былі, калі мы ваявалі за Ічкерыю?» Кадыраў нечакана абвінаваціў Захад у няўдачах чачэнскіх незалежнікаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
даведка/адказаць/
26.09.2023
Будущий генеральный прокурор Чечни подрастает в семье Рамзана Кадырова...
2
У сьвеце жывёл./адказаць/
26.09.2023
Эпізод 1: жыцьцё казурак.
0
обчак/адказаць/
26.09.2023
уж чья бы корова мычала, а кровавой барыни может немного помолчала?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера