Знайсці
18.09.2023 / 23:2611РусŁacБел

«Мне і паведамляць у органы не прыйшлося — калегі «стуканулі». Беларусы расказалі, што яны робяць з абавязкам паведамляць пра ДНЖ і «карты паляка»

Грамадзян Беларусі абавязалі паведамляць у міліцыю адносна дазволу на жыхарства, грамадзянства іншай краіны або «карты паляка». Паводле слоў начальніка Дэпартамента грамадзянства і міграцыі МУС Аляксея Бегуна, беларускія грамадзяне актыўна заяўляюць пра свае замежныя дакументы. Паводле яго слоў, ужо 6,5 тысяч чалавек звярнуліся ў органы. Выданне Ex-press.by запытала ў чытачоў, што яны думаюць з гэтай нагоды і што збіраюцца рабіць.

Барыс, Польшча:

«Я вырашыў часова не наведваць Беларусь. У маім пашпарце, у якім ёсць віза па Карце паляка, пазначаная мэта выдачы — «24». Пры перасячэнні мяжы памежнікі будуць бачыць, як гэтая віза была атрыманая. Акрамя таго, мне паведамілі, што падарожжа ў Беларусь без візы, пры наяўнасці ДНЖ, можа быць рызыкоўным. Калі памежнікі ўбачаць адсутнасць візы ў пашпарце, яны могуць падазраваць наяўнасць ДНЖ, што можа пацягнуць за сабой непрыемныя наступствы».

Вольга, Польшча:

«Я студэнтка польскай ВНУ, ездзіла на канікулы ў Барысаў. На другі дзень маёй маме патэлефанавалі і сказалі, каб я прыйшла ў КДБ. І мы паехалі. Нас пыталіся пра абстаноўку на мяжы, пра тое, як доўга я яе праходзіла, хто і што мне казаў, як сябе паводзілі людзі. А пра ДНЖ нічога не спыталіся».

Ягор, Германія:

«Я пакуль магу ездзіць у Беларусь. Але не ўяўляю, што буду пра нешта дакладваць у органы. Фу… Мне прасцей зрабіць запрашэнне родным, хай яны да мяне прыязджаюць. Хачу, каб зусім з гэтага канцлагера з'ехалі, але іх пакуль трымае маёмасць — лецішча, кватэра. Спрабуюць абыходзіць вострыя вуглы. Не паеду я пакуль да іх».

Лена, Беларусь:

«У мяне «карта паляка», на працы пра гэта ведаюць пару чалавек. Мне і паведамляць у органы не прыйшлося — калегі «стуканулі». Так што амаль адразу, як толькі абавязалі паведамляць, мяне паклікалі да начальства, там быў наш кадэбіст… Дапытвалі, навошта яна мне патрэбна і якія планы ў мяне па жыцці».

Фёдар, Беларусь:

«У мяне «карта паляка» і ва ўсёй сям'і, ужо гадоў з пяць. Дзеці — студэнты ў Польшчы. Сам не хадзіў паведамляць, таму што і не хаваў асабліва, хоць і не хваліўся. Нядаўна мяне выклікалі да начальства на працы, але не зразумеў, што хацелі. Пра тое, каб кудысьці ў міліцыю яшчэ паведамляць, гаворкі не было».

Чытайце таксама:

«Калі ў вас база тых, хто мае ДНЖ, то нашто вам прасіць пра самаданос?»

МУС заявіла, што ведае беларусаў, якія атрымалі дазволы на жыхарства за мяжой

Больш за 91 тысячу беларусаў маюць дакументы на права знаходжання ў Польшчы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Сергей /адказаць/
20.09.2023
Статья высосана из пальца. Конкретики никакой ,кто эти люди , у самого ВНЖ литвы и никто на границе и просто в РБ вопросов не задает,, само удивило что мол коллеги на работе человека заложили , это БРЕД сивой кобылы , по такому поводу никто никогда не будет докладывать , , короче ХЕРНЯ ВАША СТАТЬЯ !!!!
0
Рыгор/адказаць/
20.11.2023
Стукачок, вы слушна ўзгадваеце пра "цывілізаваныя краіны". Бо там паліцыя - гэта сапраўдны праваахоўны орган, які перш за ўсё адстоівае правы і бяспеку грамадзян. За парушэнне сваіх правоў грамдзяне падаюць на паліцыю ў суд і часта выйграюць, за дзейнасцю сілавікоў вядзецца моцны грамадскі кантроль, а прызначэннем іх кіраўніцтва займаецца ўлада, абраная на дэмакратычных выбарах, а не ўзурпатар.

У сітуацыі з дыктатурамі роля паліцыі прынцыпова іншая. Праз справаздачнасць выключна неабранаму ўзурпатару яна ператвараецца ў апрычніну, якая ахоўвае ўладу ад грамадзян і выконвае функцыю палітычнага пераследу. Ўсе астатнія функцыі выконваюцца апрычнінай у тым аб'еме і выглядзе, каб стрымліваць узровень незадаволенасці грамадства на ўзроўні, не пагражаючым існаванню дыктатуры. Зразумела, гэта стварае моцную глебу для развіцця карупцыі і ня мае нічога супольнага з праваахоўнай дзейнасцю.

Что тычыцца ЧКБ - то ва ўмовах, калі весь дзяржапарат (у т.л. "судовая" і "праваахоўная" сістэмы) ператвораная ў апрычніну дыктатара, а яе службоўцы самі займаюцца злачыннасцю з мэтай абароны незаконай улады, то у адпаведнасці з канстытуцыяй і КК ўзнікае склад "крайніх абставінаў", калі грамадзяне, незаконна пазбаўленыя сваіх правоў і свабод (у т.л. на сумленны суд і сумленныя выбары), вымушаны самастойна фіксаваць і апублічваць злачынствы дзяржслужбоўцаў, няхай гэта і прымушае апублічваць асабістыя звесткі гэтых дзяржслужбоўцаў.
0
Рыгор/адказаць/
20.11.2023
Прапорщик , вы трошкі блытаеце - там ўсё прадугледжана, каб ўсё вамі вышадзначанае маглі рабіць толькі ўзурпатар і ягонае атачэнне. Апошні прыклад - раследванне Белпол на конт фінансавых схем кіраўніцтва гардсэрвісу.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера