Талай зноў прывёз у Беларусь дзяцей з Данбаса
Сёння ў Мінск прыбыла чарговая група дзяцей з акупаваных Расіяй украінскіх рэгіёнаў. 48 дзяцей, якія прыехалі «на адпачынак», тры тыдні правядуць у Наваполацку. Дастаўку ўкраінскіх дзяцей арганізоўваў фонд Аляксея Талая, піша БелТА.
Дзяцей, па словах Талая, суправаджалі ў цягніку і сустракалі на вакзале супрацоўнікі міліцыі і АМАПа. Бо, маўляў,
«ёсць шмат нядобразычліўцаў, якія прагнуць, каб мы з гэтымі дзецьмі Данбаса дзесьці спатыкнуліся. Каб нешта адбылося, і гэтыя збеглыя, якія сядзяць за мяжой, знайшлі новую тэму для спекуляцый».
Незаконны вываз з акупаваных тэрыторый украінскіх дзяцей расцэньваецца міжнароднай супольнасцю як ваеннае злачынства. Прэзідэнт Расіі Уладзімір Пуцін і расійская амбудсменка па правах дзіцяці Марыя Львова-Бялова за гэта ўжо атрымалі ордары на арышт ад Міжнароднага крымінальнага суда ў Гаазе. Беларускія дэмакратычныя сілы збіраюць матэрыялы для МКС, якія даказваюць дачыненне да незаконнага вывазу ўкраінскіх дзяцей прадстаўнікоў рэжыму Лукашэнкі, уключаючы і яго самога.
У рэзалюцыі ад 13 верасня Еўрапарламент заявіў, што дзеянні Лукашэнкі і ягонага рэжыму можна кваліфікаваць як злачынствы супраць чалавечнасці (дэпартацыя або гвалтоўнае перамяшчэнне насельніцтва) паводле Рымскага статуту і заклікаў Міжнародны крымінальны суд выдаць ордар на арышт Лукашэнкі.
Чытайце таксама:
Пасол у Расіі апраўдваўся за вывезеных у Беларусь украінскіх дзяцей
Талай анансаваў прывоз у Беларусь новых груп украінскіх дзяцей
Выдача міжнароднага ордара на арышт падрывае ўстойлівасць улады — эксперт
а тут іх сустракаюць дзядзі ў камуфляжы і ледзь не з аўтаматамі (а можа і з аўтаматамі), у лагеры стэнды на ваенную тэматыку і розныя прапагандыстскія мерапрыемствы.. і вішанька на торце - абрубак (прасці госпадзе) талай
нездарма ў дзяцей на фотах з лагера твары такія сумныя