Знайсці
17.09.2023 / 20:112РусŁacБел

УСУ афіцыйна пацвердзілі вызваленне Кляшчэеўкі

Украінскія войскі вызвалілі населены пункт Кляшчэеўка на Бахмуцкім кірунку ў Данецкай вобласці. Пра гэта паведаміў кіраўнік прэс-службы Усходняй групоўкі войскаў капітан Ілья Яўлаш, піша «Украінская праўда».

Вызваленая Кляшчэеўка. Скрыншот відэа з фэйсбук-старонкі брыгады «Лють»

«Магу пацвердзіць, што гэта адбылося дзякуючы намаганням 80-й асобнай дэсантна-штурмавой брыгады, 5-й асобнай штурмавой брыгады і аб'яднанай брыгады Нацпаліцыі «Лють», — паведаміў Ілья Яўлаш.

Цяпер, па словах Еўлаша, у дэакупаваным населеным пункце прадаўжаюцца стабілізацыйныя мерапрыемствы, сілы абароны замацоўваюцца на пазіцыях.

Разам з тым аб'яднаная штурмавая брыгада Нацпаліцыі «Лють» апублікавала відэа з Кляшчэеўкі і таксама пацвердзіла вызваленне населенага пункта:

«Мы, вайскоўцы 80-й асобнай дэсантна-штурмавой брыгады, 5-й асобнай штурмавой брыгады, асобнай аб'яднанай штурмавой брыгады паліцыі «Лють», выканалі заданне — вызвалілі населены пункт Кляшчэеўка Данецкай вобласці ад акупантаў. Аднак вораг не пакідае спроб захапіць яго зноў».

Раней у нядзелю кіраўнік Офіса прэзідэнта Украіны Андрэй Ярмак апублікаваў фота з вайскоўцамі ў Кляшчэеўцы на фоне мясцовага храма, адзначыўшы, што Украіна заўсёды вяртае свае тэрыторыі. Аднак у брыгадзе «Лють» тады заявілі, што ў Кляшчэеўцы вядуцца актыўныя штурмавыя дзеянні, і пацвердзіць стапрацэнтны кантроль над населеным пунктам яны не могуць.

Чытайце таксама:

З’явіліся першыя фота ўкраінскіх вайскоўцаў у цэнтры вызваленай Кляшчэеўкі

Полк Каліноўскага апублікаваў відэа ўваходу сваіх байцоў у Кляшчэеўку

Чаму вызваленне Андрэеўкі, ад якой не засталося жывога месца, важнае для УСУ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Андрусь/адказаць/
17.09.2023
З Кляшчэеўкі ж колькі дзён таму апублікаваў відэа Полк Кастуся Каліноўскага, з каментаром, што нашы хлопцы ўвайшлі ў Кляшчэеўку, якую пакінулі расійцы.На відэа жаўнеры спакойна ідуць вуліцай практычна цалкам зруйнаванай рёскі. Пазней ПКК паведаміў, што паспяшаўся з заявай аб вызваленні Кляшчэеўкі і за яе яшчэ вядуцца цяжкія баі. 
І вось - у беларускім СМІ паведамленне пра тое, што Кляшчэеўка, усё ж, вызваленая. Але з гэтай навіны на НН ў кантэксце ранейшых атрымліваецца, што каліноўцы хацелі прымазацца да чужоў перамогі: аказваецца, Кляшчэеўку вызвалі 80-я і 5-я брыгады УСУ і брыгада паліцыі "Лють", а ніякім Палком Кастуся Каліноўскага там нават не пахла. 
Дык усё ж, удзельнічала беларускае падраздзяленне ў вызваленні гэтага населенага пункта, ці "хтота ўрот"? 
2
Сатурн/адказаць/
18.09.2023
Молодцы украинцы и успехов им в дальнейшем!)))
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера