Знайсці
15.09.2023 / 18:116РусŁacБел

«Злосці няма межаў». Беларусы з біяметрычнымі пашпартамі не могуць запісацца на польскія турыстычныя візы

Днямі чытач выдання «Люстэрка» вырашыў запісацца на падачу дакументаў на польскую турыстычную візу, але сістэма адмовілася працаваць з ягоным біяметрычным пашпартам. І гэта не проста разавая памылка.

Калі мужчына зайшоў на сайт візавага цэнтра Польшчы, то там адзін з этапаў рэгістрацыі — верыфікацыя ў Міжбанкаўскай сістэме ідэнтыфікацыі (МСІ). А падчас яе сістэма выдала памылку: «Вашы звесткі не актуальныя. Для актуалізацыі звярніцеся ў банк».

У банку чалавеку параілі патэлефанаваць у кантакт-цэнтр МСІ, а там сказалі, што «трымальнікам біяметрычных дакументаў нельга запісацца на падачу візы праз VFS Global». Можна, маўляў, толькі са звычайным пашпартам.

Не дала плёну і спроба даведацца нешта ў візавым цэнтры Польшчы. «Тэлефаную, злосці няма межаў. Пытаюся, што рабіць? Адказ: «Мы нічым не можам Вам дапамагчы».

«Люстэрку» ў кантакт-цэнтры МСІ патлумачылі, што раней ва ўладальнікаў біяметрычных пашпартоў такіх праблем не здаралася. Узніклі яны «нядаўна» праз тое, што «змяніліся налады аўтарызацыі ў білетную касу візавага цэнтра».

Таму на гэты момант для ўладальнікаў ID-карт верыфікацыя ў білетную касу візавага цэнтра немагчымая, але спецыялісты, маўляў, працуюць над тым, каб разабрацца з праблемай. Адносна тэрмінаў нічога канкрэтнага сказаць не здолелі.

У VFS Global на пытанне адносна магчымасцяў нейкіх іншых спосабаў верыфікацыі таксама нічога пазітыўнага не адказалі:

«Неабходна чакаць і рэгістрацыю рабіць пазней. Іншых спосабаў запісу пакуль няма, толькі праз сайт».

Адносна канкрэтных тэрмінаў тут таксама нічога не ведаюць, раяць перыядычна заходзіць на сайт і спрабаваць паўторна прайсці рэгістрацыю.

«Ліст аб тым, што гэтая праблема вырашаецца, [з МСІ] нам прыйшоў у аўторак, 12 верасня, — удакладнілі ў кол-цэнтры візавага цэнтра. — На гэты момант на сайце ёсць такая тэхнічная непаладка. Гэта з боку МСІ <…>.

Мы атрымалі адказ, што сістэма знаходзіцца ў працэсе вырашэння гэтай сітуацыі, і ў найбліжэйшыя тэрміны [непаладку] абяцаюць ліквідаваць».

Чытайце таксама:

«Плакалі танныя крупы і зубы!» Што жыхары Дзвінска кажуць пра магчымае закрыццё памежнага пункта на мяжы з Беларуссю

Не ўсё так проста. Колькі будзе каштаваць польская турыстычная віза і як хутка можна атрымаць

«Ёсць варыянт нарадзіць дзіця ў Бразіліі». Як беларусы з Грузіі збіраюцца вырашаць пашпартныя праблемы

Заканчваецца беларускі пашпарт. І што цяпер рабіць? Парады адваката

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
15.09.2023
Ну вот, красноречивое свидетельство того, чем в реальности оборачиваются хвалёные "цифровые технологии". "Изменились настройки системы"-"специалисты работают"-"ничем помочь не можем". И такое может произойти с кем угодно и когда угодно, а кто за это несёт ответственность, чтобы выставить ему претензии - выяснить абсолютно невозможно. И не надо ничего формально запрещать - типа извините, так получилось, виновата "система" и её "настройки".
1
Правдорез /адказаць/
15.09.2023
Какие, нахрен, "туристические визы"?) Закупы! Закупайтесь, хатаскрайники, на Жданах, пока те работают. Потом придется в сельпо)
0
Кажаноўскі/адказаць/
16.09.2023
Хацелі ўседзець на двух крэслах? Зладзея рбшнага ў дупу цалаваць й за мяжу езьдзіць? Зараз атрымайце. Ўся сыстэма працуе на бандыта. Хаця, што вас ушчуваць? Пакуль па вас не прыйдуць вы не паразумнееце.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера