Знайсці
15.09.2023 / 17:2811РусŁacБел

Іосіф Сярэдзіч: Мне незразумелыя дзеянні тых, каму я бясплатна памылкова перадаў сайт

Прайшло крыху больш за месяц, як Іосіф Сярэдзіч абвясціў аб сыходзе з пасады галоўнага рэдактара старэйшай незалежнай газеты, як адбылося яе перафарматаванне ў бок т. зв. «нармалізацыі». Што адбываецца? Заснавальнік «Народнай Волі» пракаментаваў сітуацыю журналісту Аляксандру Стрыжневічу.

«Мяне здзівіла інфармацыя, якая распаўсюджваецца на некаторых незалежных сайтах і якая ў некаторай ступені датычыцца мяне асабіста», — перш за ўсё адзначыў Іосіф Сярэдзіч.

Паводле яго, фраза «перакупленая «Народная Воля» перайшла на лукашэнкаўскія пазіцыі» некарэктная.

«Ніхто ў мяне сайт не перакупляў, — падкрэсліў суразмоўца. — Так атрымалася, што даменнае імя сайта УП «Народная Воля» я перадаў таварыству з абмежаванай адказнасцю «Гіпер ПК» бясплатна. Ніводнай капейкі ніхто не пералічыў на рахунак рэдакцыі «Народнай Волі», ніводная капейка не трапіла ў маю кішэню».

Перадача даменнага імя, зрабіў акцэнт Іосіф Сярэдзіч, адбывалася пры адной умове — што кантэнтам па-ранейшаму будуць займацца журналісты, якія ўваходзілі ў штат рэдакцыі газеты.

«Сёння, 15 верасня, я даведаўся, што адзін з кіраўнікоў «Гіпер ПК» адхіліў гэтых журналістаў ад супрацоўніцтва. А цяпер быццам бы сам напаўняе інфармацыйную стужку сайта», — паведаміў заснавальнік газеты.

Ён адмовіўся каментаваць змены ў падачы тэкстаў:

«Я не маю да кантэнту ніякага дачынення і не маю права нічога дыктаваць цяперашняму ўласніку сайта».

Пры гэтым былы галоўрэд «Народнай Волі» пацвердзіў, што кіраўнік «Гіпер ПК» не з’яўляецца прафесійным журналістам.

На пытанне, што цяпер плануе рабіць спадар Сярэдзіч, той адказвае без сумневаў:

«Будзем дзейнічаць з тым, каб аднавіць законнасць».

Пакуль заснавальнік газеты адмаўляецца даваць падрабязнасці і дэталі, якім чынам плануе дамагацца справядлівасці. Аднак яшчэ раз падкрэслівае:

«Гэта інфармацыя як снежны камяк на галаву. Мне шкада журналістаў. Я быў упэўнены, што яны будуць працаваць на адпаведным узроўні, а апынуліся каля разбітага карыта. Мне незразумелыя дзеянні тых, каму я бясплатна памылкова перадаў сайт».

Чытайце таксама:

«Удзельнік аўтаклубаў, захапляюся астралогіяй». Што вядома пра новага ўладальніка «Народнай Волі»

Пасля васьмі дзён маўчання аднавілі працу сайт і канал «Народнай Волі». Ад назвы засталося толькі «НВ»

Іосіф Сярэдзіч: Калі б у 1995-м дэпутаты абаранілі «Народную газету», можа, па-іншаму развіваліся б падзеі

Іосіф Сярэдзіч пакідае пасаду галоўнага рэдактара «Народнай Волі». Лёс выдання пад пытаннем

«Без нацыянальнага прымірэння нам не захаваць незалежнасці Беларусі». Іосіф Сярэдзіч выступіў са смелым адкрытым лістом

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
43
Ха-ха
14
Ого
4
Сумна
12
Абуральна
16
2
Ноўнэйм /адказаць/
15.09.2023
007, наколькі я памятаю сітуацыю, рэдакцыя намагалася, але не здолела знайсці пастаянную крыніцу фінансавых сродкаў на пакрыццё сваіх выдаткаў па існаванні. Таму Сярэдзіч і пайшоў на такі крок - каб журналісты засталіся з працай.
1
Адчапiцеся, тут у́сё нармалёк - з чыстага лiста./адказаць/
15.09.2023
Известно из истории: Выбирая позор, получишь и позор и войну. (Уинстон Черчилль). Вот с этим и ушел в небытие Середич, думая отсидеться в тепле и уюте за то, что прикинулся придурковатым, а сейчас - "моя твоя не понимает".
0
Tak ci inakš, heta smiardzić/адказаць/
16.09.2023
Siaredzič, niavažna, pradali vy gazetu ci razdali zadarma. Sprava ŭ tym, što praca vašaha žyćcia pieratvaryłasia ŭ śmietnica, napoŭniena prapahandysckim łukašenkaŭska-pucinskim hnojem.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера