Знайсці
12.09.2023 / 17:55РусŁacБел

У Лондане знайшлі забытую магілу вядомага беларускага мастака

Стараннямі беларусаў Лондана было ідэнтыфікавана месца пахавання беларускага мастака і рэстаўратара Міхася Саўкі-Міхальскага. Свой апошні спачын ён знайшоў на могілках Стрэтхам, дзе пахаваны побач са сваім сынам Маркам, колішнім вучнем беларускай школы Кірылы Тураўскага, — піша ў сваіх сацсетках Скарынаўская бібліятэка. 

Надмагільны помнік Міхася Саўкі-Міхальскага, Streatham cemetery. Фота: фэйсбук Скарынаўскай бібліятэкі

Вядома, што Міхась Саўка-Міхальскі хлапчуком быў вывезены ў Германію, пасля вайны жыў у Бельгіі. Скончыў Лювенскі ўніверсітэт, дзе вывучаў археалогію і гісторыю мастацтва. Саўка-Міхальскі спецыялізаваўся на старажытным насценным роспісе, быў выдатным рэстаўратарам і таленавітым мастаком. 

У калекцыі Скарынаўкі захоўваецца некалькі выдатных яго работ. Гэта партрэты айца Роберта ван Каўэлярта і музыкі Міколы Равенскага, а таксама дасціпная аўтакарыкатура. 

Міхась Саўка-Міхальскі. Партрэт Міколы Равенскага. Фота: фэйсбук Скарынаўскай бібліятэкі

Міхась Саўка-Міхальскі. Партрэт айца Роберта ван Каўэлярта. Фота: фэйсбук Скарынаўскай бібліятэкі

Міхась Саўка-Міхальскі. Аўтакарыкатура. Фота: фэйсбук Скарынаўскай бібліятэкі

Чытайце таксама:

«Я як Аліса — патрапіла ў краіну цудаў». Стваральніца «Вольнага хору» расказала, якія музычныя скарбы знайшла ў Скарынаўскай бібліятэцы ў Лондане

Скарынаўская бібліятэка ў Лондане алічбоўвае ўнікальны фотаальбом з этнаграфічнай экспедыцыі Вацлава Ластоўскага

Скарынаўская бібліятэка ў Лондане адраджае заняткі ў нядзельнай беларускай школе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера