Знайсці
11.09.2023 / 09:495РусŁacБел

Дэпартамент міграцыі Літвы чакае наплыў беларусаў па пашпарт замежніка і тлумачыць, што атрымаюць яго не ўсе

Пасля таго, як Беларусь спынілі выдачу пашпартоў у амбасадах і консульствах за мяжой, беларусы, якія ўцяклі ад рэжыму ў Літву, змогуць звяртацца ў Дэпартамент міграцыі па афармленне пашпарта замежніка. Дырэктарка Дэпартамента міграцыі Літвы Эвеліна Гудзінскайце прагназуе, што колькасць беларусаў, якія жадаюць атрымаць пашпарт замежніка, значна вырасце. Гэта, у сваю чаргу, яшчэ больш павялічыць нагрузку на ўстанову.

«Гэта вельмі важная навіна. Тыя, хто баіцца вяртацца ў Беларусь, панікуюць, што рабіць. Але ёсць такі механізм — аформіць пашпарт замежніка. І калі раней мы выдавалі некалькі дзясяткаў такіх пашпартоў на год, то цяпер іх будзе нашмат больш», — прагназуе Гудзінскайце.

«Цяжка дакладна сказаць, колькі такіх беларусаў у Літве, але гаворка ідзе пра некалькі тысяч беларусаў, якія могуць мець патрэбу», — дадала яна.

Аднак начальніца Дэпартамента міграцыі звяртае ўвагу, што пашпарт замежніка могуць атрымаць толькі тыя беларусы, якія не могуць вярнуцца ў Беларусь з гуманітарных або палітычных прычын. Таму перад выдачай дакументаў будзе праходзіць дадатковая экспертыза.

«Давядзецца даваць ацэнку, таму што пашпарт замежніка выдаецца толькі тым асобам, якія не могуць вярнуцца ў Беларусь, якія абʼектыўна не могуць атрымаць пашпарт сваёй краіны», — сказала яна.

Гудзінскайце прызнае, што гэтыя новыя абставіны ствараюць вялікую праблему для Дэпартамента міграцыі, бо, паводле яе, нагрузка на ўстанову і так вялікая. Дэпартамент просіць дадатковае фінансаванне. Яна гаворыць, што ўрад абяцае яго, але пакуль дадатковых грошай не было.

Чытайце таксама:

«Не вы адмаўляецеся ад Радзімы, а яна ад вас». Спецыяліст прааналізавала псіхалагічнае вымярэнне ўказа №278

«Адсутнасць пашпарта — не канец свету». Супрацоўнікі Цэнтра беларускай салідарнасці ў Польшчы расказалі пра складаныя справы

Ціханоўская абмеркавала праблемы беларусаў у МУС Літвы

Вячорка раскрыў верагодныя тэрміны пачатку выдачы альтэрнатыўных беларускіх пашпартоў і назваў колькасць краін, ужо гатовых іх прызнаць

Заканчваецца беларускі пашпарт. І што цяпер рабіць? Парады адваката

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
4
Не понял /адказаць/
11.09.2023
Они думают что у все паспорта заканчиваются одновременно? 😅
6
сирожа/адказаць/
11.09.2023
да пошли бы они, уже реально достали. мало того что на бытовом уровне неприкрытый нацизм с их стороны так и еще на гос уровне. уже большая часть айтишников навострила лыжи в Польшу. спасибо вам литовцы==русские.
3
Мост/адказаць/
11.09.2023
сирожа, ад вашага камента адразу павеяла расейскім слэнгам і іх духам. Нацызм чыніць расея супраць Украіны. А вы, такое адчуванне, вырашылі перавесці стрэлкі, ды яшчэ на ‘языку’ агрэсара. Значыць Літва ўсё правільна робіць!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера