Знайсці
08.09.2023 / 13:465РусŁacБел

Новая сенсацыя на раскопках у Полацку: археолагі знайшлі скарб старажытных візантыйскіх манет

Археалагічныя даследаванні на тэрыторыі гарадскога стадыёна ў Полацку працягваюць здзіўляць новымі адкрыццямі. Пра знаходкі апошніх дзён распавёў gorod214.by старшы выкладчык кафедры гісторыі і турызму Полацкага дзяржаўнага ўніверсітэта Аляксей Коц.

Фота: gorod214

Нагадаем, што раней археолагі знайшлі шмат матэрыялаў, якія сталі падцвярджэннем існавання на гэтым месцы буйной вытворчасці па апрацоўцы каляровых металаў — так званага квартала ювеліраў.

Фота: gorod214

А днямі ў ювелірнай майстэрні быў знойдзены скарб медных візантыйскіх фолісаў. Гэта старажытныя манеты, адчаканеныя на мяжы X—XI стст., якія патрапілі ў Полацк у XI стагоддзі. Гаспадар схаваў іх пад печкай-каменкай, дзе плавілі каляровыя металы.

Дзве манеты знаходзяцца ў добрым стане, на адным баку прачытваецца надпіс-легенда, на другім — аблічча правіцеля-імператара. Папярэдне навукоўцы мяркуюць, што гэта Васіль II Балгарабойца, пры якім падтрымліваліся цесныя сувязі Кіеўскай Русі і Візантыйскай імперыі.

Фота: gorod214

Пашкоджаныя манеты ўжо накіраваныя на рэстаўрацыю ў музей-запаведнік.

Унікальнасць знаходкі ў тым, што раней у Беларусі, як патлумачыў Аляксей Коц, у межах археалагічных раскопак візантыйскіх скарбаў не знаходзілі. Адзінкавыя манеты былі, а ў складзе калекцыі яны трапіліся ўпершыню.

Фота: gorod214

Яшчэ адзін каштоўны артэфакт — фрагмент падвескі ў выглядзе сякеркі, што служыла абярэгам для ваяра. На сякерцы напаяна птушачка. Знаходка датуецца XI—XII стагоддзямі і раней падобных прыкладаў на тэрыторыі краіны зусім не сустракалася. Насіць такія рэдкія статусныя рэчы маглі толькі ваяры высокага рангу.

Фота: gorod214

Рэдкімі з’яўляюцца таксама фрагменты фальшывых дырхемаў, якія не завозіліся з Арабскага халіфата, а выплаўляліся непасрэдна на месцы. Цікава, што ў 1980-я гады археолаг Сяргей Тарасаў знайшоў падчас раскопак у Полацку ліцейную форму для вырабу такіх манет.

Фота: gorod214

Чытайце таксама:

Археалагічны комплекс на Менцы абяцаюць зрабіць новым брэндам Беларусі

У Полацку падчас раскопак на стадыёне знайшлі старажытны «квартал ювеліраў»

У вежы Гедыміна Лідскага замка адкрылася археалагічная выстава

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
08.09.2023
Žvir, heta adyhrala pazityŭnuju roliu. Kali roznyja naĺšany, dajnova, jatviahi, dzialtuva, upite, sudova i inš. abiadnoŭvalisia pad nazvaj macniejšaha, alie rodnasnaha pliemieni litva. Tut kryvičy i dryhavičy nastoĺki "akuĺturylisia", što stracili siabie i stali ruskimi. Nu nazdaroŭje, jak kažuć - ješcie, nie abliapajciesia.
08.09.2023
Ĺ, upīte = latyskaj movaj :) I nie abjadnoŭvalisia jany pad nazvaju macniejšaha, uparcilisia, nia zmoh Mindoŭh, kniaz Litvy, ich abjadnać. Jany byli dalučanyja ŭ sklad dziaržavy, u toj čas ŭžo VKL, u vyniku parazy Ordena u Hrunvaldskim battle,.. byli pastaŭlieny pierad faktam, tak by mović. Pieramožcy adnak nie nadali im nazvu svajoj dziaržavy a zrabili svajoj žamojckaj pravincyjaj... A da taho momantu jany byli prosta temaju palityčnych ciorak pamiž VKL i hiermancami... Voś tak vo bylo nasamreč, a vy mnie kazki tut baicie...
08.09.2023
upīte = latyskaj movaj -> rečka, malieńkaja, račulka, ručaina. Niechta čamusci źdźmuŭ hety skaz z majho papiaredniaha kamientara. Mikola skazaŭ by, što vorahi... :))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера