Знайсці
07.09.2023 / 08:3966РусŁacБел

Вячорка раскрыў верагодныя тэрміны пачатку выдачы альтэрнатыўных беларускіх пашпартоў і назваў колькасць краін, ужо гатовых іх прызнаць

«Мы ведалі, што Лукашэнка будзе помсціць, і рыхтаваліся. Падрабіць нашы новыя пашпарты ён не зможа», — кажа Франак Вячорка.

Дарадца Святланы Ціханоўскай Франак Вячорка. Фота: «Наша Ніва»

Дарадца Святланы Ціханоўскай Франак Вячорка адрэагаваў на свежы ўказ Лукашэнкі аб забароне выдачы беларускіх пашпартоў за мяжой. Каментар Вячоркі прагучаў 5 верасня ў эфіры «Голаса Амерыкі».

Як адзначае дарадца Ціханоўскай, беларускія дэмсілы рыхтаваліся да падобнага развіцця падзей і чакалі ад Лукашэнкі помсты за пратэсты 2020 года.

Таму і пачалі працу над выпускам альтэрнатыўных беларускіх пашпартоў, якія дазволяць беларусам мець легальны статус у іншых краінах і падарожнічаць. 

Вячорка назваў папярэднія тэрміны пачатку выпуску новых пашпартоў і колькасць краін, якія ўжо выказалі гатоўнасць іх прызнаць.

«Тэхнічны і візуальны складнік новага беларускага пашпарта ўжо падрыхтаваны. Ён адпавядае стандартам ICAO і ўжо ўзгоднены з Еўракамісіяй. Цяпер мы займаемся вырабам першых узораў пашпартоў, якія будуць адпраўлены ў краіны Еўрасаюза і па ўсім свеце для аналізу. 

Спадзяемся, што ўжо ў пачатку наступнага года мы пачнем выдаваць пашпарты. У цяперашні момант ужо ёсць дзве дзяржавы, якія папярэдне заявілі, што будуць гатовыя першымі прызнаць нашы новыя пашпарты», — распавёў «Голасу Амерыкі» Франак Вячорка.

Вокладка новага пашпарта мае кармазінавы колер, які адсылае да спадчыны ВКЛ. Акрамя герба «Пагоня», на ёй змешчаны выявы слуцкіх паясоў. Фота: сайт Аб'яднанага пераходнага кабінета Беларусі

На разваротах старонак для віз змешчаны архітэктурныя помнікі розных рэгіёнаў Беларусі, герб «Пагоня» на ружы вятроў і выява зубра ў ніжнім правым куце, які пры хуткім гартанні старонак «бяжыць». Усе надпісы ў пашпарце выкананыя «тарашкевіцай», класічнай лацінкай і на англійскай мове. Фота: сайт Аб'яднанага пераходнага кабінета Беларусі

Таксама Вячорка дадаў, што асаблівая ўвага будзе надавацца бяспецы новых пашпартоў і верыфікацыі іх будучых уладальнікаў.

Дарадца Ціханоўскай пракаментаваў і асцярогі аб магчымых падробках новых пашпартоў з боку сілавікоў Лукашэнкі.

«Пытанні біяметрыі і бяспекі новых беларускіх пашпартоў мы абмяркоўваем з Еўракамісіяй. Іх падрабіць будзе немагчыма, выпускаць іх у Мінску Лукашэнка не зможа. Друкаваць пашпарты будзе вельмі аўтарытэтная фірма, якая друкуе пашпарты для дзясяткаў краін свету.

Таксама ёсць працэдура верыфікацыі, каб чалавек пацвердзіў, што з'яўляецца грамадзянінам Беларусі і што ён не які-небудзь агент ці вагнеравец. Пасля атрыманая інфармацыя ідзе нашым партнёрам для ўнясення ў агульныя базы даных, каб не было праблем пры перасячэнні мяжы», — падкрэсліў Вячорка.

7 верасня пачынае дзейнічаць указ Лукашэнкі аб забароне пасольствам Беларусі выдаваць і мяняць пашпарты беларусам за мяжой. 

Карысныя парады юрыстаў і больш падрабязная, актуальная інфармацыя на гэту тэму — ніжэй.

Важнае па тэме беларускіх пашпартоў:

Заканчваецца беларускі пашпарт. І што цяпер рабіць? Парады адваката

«Мы працуем, каб беларусы не засталіся без пашпартоў» — Ціханоўская

Стрыжак: Прыедуць мяняць пашпарт і зусім нечакана трапяць у СІЗА

Беларусам, якія жывуць у Грузіі, варта паклапаціцца пра еўрапейскую візу

Без дзейнага пашпарта знаходжанне беларусаў за мяжой стане незаконным. Вось што можна зрабіць з гэтым тым, хто жыве ў Польшчы ці Літве

«Я плачу, муж праклінае ўладу». Беларусы расказваюць, з якімі праблемамі сутыкнуліся пасля новага ўказа Лукашэнкі

«Як дойдзе да справы, тады і будзем вырашаць». Немцы пакуль не ведаюць, што рабіць з беларусамі без пашпартоў

«Бальшыня беларусаў, якія тут жывуць і працуюць, маюць магчымасць вярнуцца». Літоўскія ўлады пракаментавалі беларускія пашпартныя праблемы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
140
Панылы сорам
5
Ха-ха
8
Ого
1
Сумна
3
Абуральна
5
1
Вероятный/адказаць/
10.09.2023
ПЁТРА, гэта калі ж рускамірнае боўтала дзяквала за навуку? То й не пачынай. 
0
ПЁТРА/адказаць/
10.09.2023
Вероятный, Гэта "эмбіент" такі ў цябе? Смешна ў роце....
0
Рота Сахашчыка/адказаць/
10.09.2023
Беларус, Ой, а ва Украіне хто са зброяй трэніруецца?) Таварыш лукабот)
Добра што хоць лукаботам прыйшлося вывучаць "родную" мову (хоць там расейцы ў асноўным) 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031