Знайсці
30.08.2023 / 15:07РусŁacБел

Партыю «Справядлівы свет» ліквідуюць 22 верасня. Палова партый ужо ліквідавана

Судовае слуханне па ліквідацыі Беларускай партыі левых «Справядлівы свет» па пазове Міністэрства юстыцыі прызначана на 22 верасня.

«Пастанова аб адмове ў перарэгістрацыі прынятая 30 ліпеня, — распавядаў НВ-анлайн кіраўнік партыі Сяргей Калякін. — У рэгістрацыі адмоўлена на вядомых падставах: недахоп структур, няма неабходнай колькасці сяброў партыі, якая патрабуецца паводле новым заканадаўстве. Мы маем намер абскардзіць гэтае рашэнне ў Вярхоўным судзе — па законе ў нас на гэта ёсць месяц».

Вярхоўны суд ліквідаваў восем партый: апазіцыйныя Кансерватыўна-хрысціянскую партыю — БНФ, Партыю БНФ, Беларускую сацыял-дэмакратычную Грамаду, партыю «Зялёныя», Аб'яднаную грамадзянскую партыю, а таксама праўладныя Беларускую патрыятычную партыю, Рэспубліканскую партыю, Сацыял-дэмакратычную партыю Народнай Згоды.

4 верасня будзе разгледжаны пазоў аб ліквідацыі праўладнай Беларускай сацыяльна-спартыўнай партыі.

У Беларусі на пачатку года было 15 партый, засталося восем з улікам навастворанай партыі «Белая Русь», або сем, калі ўжо лічыць «Справядлівы свет».

Былі перарэгістраваныя Камуністычная партыя Беларусі, Ліберал-дэмакратычная партыя, Рэспубліканская партыя працы і справядлівасці.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031