Знайсці
28.08.2023 / 13:117РусŁacБел

Як выглядае эканамічнае супрацоўніцтва Польшчы з Беларуссю напярэдадні магчымага закрыцця межаў. Здаецца, Польшчы ёсць што губляць

Польшча разам з краінамі Балтыі разглядае варыянт поўнага замарожвання памежнага руху з Мінскам праз гібрыдныя пагрозы, што ідуць з усходу. Які гандаль звязвае сёння Польшчу і Беларусь, распавялі польскія эксперты. 

Польска-беларуская мяжа. Фота: Polska Straż Graniczna

Як адзначае польскае выданне Dziennik. Gazeta Prawna, асноўныя тавары польскага экспарту ў Беларусь — гэта садавіна, агародніна і прадукты харчавання. Таксама нам пастаўляюць паперу, палімеры, вырабы з пластмасы, лекі, металаканструкцыі з чорных металаў для аўтамабіляў і трактароў.

У сваю чаргу, асноўнымі таварамі беларускага экспарту ў Польшчу з'яўляюцца трамваі, драўнянастружкавыя пліты, багажныя, паштовыя і іншыя вагоны, калійныя ўгнаенні і каменны вугаль.

У гандлі з Беларуссю Польшча мае станоўчы гандлёвы баланс. Яна пастаўляе нам больш, чым набывае ў нас.

Так, кошт польскага экспарту ў Беларусь за ўвесь 2022 год дасягнуў узроўню прыкладна 7,1 млрд злотых (0,7% польскага экспарту). Цікава, што гэта больш, чым у 2019 і 2020 гадах. Імпарт з Беларусі складае каля 4,5 млрд злотых (0,4% польскага імпарту).

А што санкцыі?

Эксперты тлумачаць, чаму, нягледзячы на санкцыі, уведзеныя ў сакавіку 2022 года, назіраюцца такія лічбы.

Па-першае, у Беларусі да гэтага часу працуе мноства польскіх кампаній. Усяго некалькі гадоў таму іх было каля 400, але і цяпер многія з іх усё яшчэ працуюць.

Напрыклад, свой завод мае швейная кампанія CDRL (ёй належыць і сетка крам «Буслік») і Atlas Group — вытворца будаўнічай хіміі. Некаторыя польскія мэблевыя кампаніі, напрыклад, Szynaka Meble, таксама працуюць у Беларусі. Праз змены ў беларускім заканадаўстве гэтыя кампаніі не могуць прадаць ці перадаць свае актывы.

Па-другое, кампаніі з расійскім і беларускім капіталам могуць без абмежаванняў рэгістраваць кампаніі ў Польшчы, часам праз свае даччыныя кампаніі з іншых краін Еўрасаюза. 

Такія кампаніі не падпадаюць пад санкцыі, яны бяруць на сябе ролю падсанкцыйных кампаній у ланцужку паставак, і экспарт на паперы павялічваецца.

У 2023 годзе гандаль Польшчы з Беларуссю павялічыўся. Так, за першае паўгоддзе польскі экспарт склаў 5,57 млрд злотых, што на 40% больш за паказчык мінулага года. Ён вырас у асноўным за кошт транспартных сродкаў, машын і абсталявання, а таксама прадукцыі хімічнай прамысловасці.

Што ж тычыцца імпарту з Беларусі, то лічбы гавораць аб дзеянні санкцый. Паводле звестак Галоўнага статыстычнага ўпраўлення Польшчы, у першым паўгоддзі гэтага года краіна імпартавала з Беларусі тавараў на суму крыху большую за 1 млрд злотых. Для параўнання, год таму яна складала 3,2 млрд злотых.

Сітуацыю ўскладняе прыпыненне з 1 чэрвеня 2023 года прыгранічнага руху праз мяжу з Рэспублікай Беларусь для грузавых аўтамабіляў, мотацягачоў, прычэпаў, у тым ліку паўпрычэпаў, і аўтапаяздоў, зарэгістраваных на тэрыторыі Рэспублікі Беларусь або Расійскай Федэрацыі.

Далейшыя магчымыя санкцыі, безумоўна, абмяжуюць гандаль паміж дзвюма краінамі. Аднак гэта акажа большы ўплыў на эканоміку Беларусі.

«Вароты з Кітая ў Еўрапейскі саюз»

Іншае пытанне — транзіт праз Беларусь. Выданне нагадвае, што праз нашу краіну праходзяць як нафтаправоды, так і ўвесь найважнейшы гандлёвы маршрут з Кітая. Толькі за першае паўгоддзе 2021 года праз Беларусь праехала 380 тысяч кантэйнераў з Кітая.

Памежны вузел Малашэвічы на мяжы з Беларуссю ацэньваецца польскім лагістычным аператарам чыгуначных перавозак тавараў (PKP Cargo) як «вароты з Кітая ў Еўрапейскі саюз». Пытанне блакавання транзіту, безумоўна, можа стаць элементам ціску на беларускія ўлады.

Акрамя таго, як адзначае Dziennik. Gazeta Prawna, беларускі палітычны рэжым зарабляе на кантрабандзе цыгарэт і закрывае вочы на кантрабанду наркатычных рэчываў, якія ідуць праз краіну па маршруце Кабул — Амстэрдам. У першую чаргу гэта опіум і прадукты з яго, а таксама гашыш.

Закрыццё межаў, канечне, акажа негатыўны ўплыў на дзейную ўладу, хаця кантрабандысты ўжо выкарыстоўваюць, напрыклад, беспілотныя лятальныя апараты.

Ці едуць турысты?

Што да турыстычных паездак палякаў у Беларусь, то, нягледзячы на дзеянне бязвізавага рэжыму, які ўвяла Беларусь да канца 2023 года, усё менш людзей, як адзначае польскае выданне, здзяйсняюць паездкі ў нашу краіну. Журналісты паведамляюць, што ў агенцтвах у Беластоку, якія калісьці прапаноўвалі паездкі, ім адказалі, што цяпер яны адбываюцца «вельмі рэдка» і «эпізадычна».

Чытайце яшчэ:

Лукашэнкаўскі «бязвіз» узяў чарговую вышыню — больш за паўмільёна чалавек. Але гэта не ўнікальныя наведвальнікі

«Рэгіструем нумары машын у Літве, фірмы — у Польшчы і працягваем вазіць». Дальнабойнікі расказалі, як цяпер ездзяць праз польска-беларускую мяжу

У Беларусі легалізуюць шэры імпарт для абыходу санкцый. Разбіраемся, што гэта значыць

У Польшчы выявілі рэкордны груз кантрабандных беларускіх цыгарэт — на $9,7 млн

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Это какой-то особый ум/адказаць/
28.08.2023
Имхо, обалдеть логика. У тебя сгорел дом,а ты считаешь "выгодоприобретателем" гостиницу в которой тебя приютили,а твоим детям ещё и деньжат на еду подкидывают.
0
Имхо/адказаць/
28.08.2023
Это какой-то особый ум, свою привычку «тыкать» незнакомым людям вы наверное привезли с собой из колхоза? В вашем комментарии одни эмоции и никаких цифр или фактов. Прочитайте еще раз внимательно комментарий, может дойдёт. Чтобы выучить и получить одного высококвалифицированного специалиста государство на это тратит десятки тысяч долларов и на это уходит минимум 25 лет, из Беларуси уехало сотни тысяч таких специалистов, которые уже сейчас приносят выгоду польской экономики на миллионы долларов - для этого достаточно посмотреть данные польских ведомств, где указаны суммы налогов, которые уплатили беларуские компании в Польше, плюс налоги, уплаченные беларусами как физическими лицами. И теперь сравните это с вашей «особой логикой» или «умом» в примере с «гостиницей и пособием», которая в действительности напоминает narrow-minded. Напишу на понятным вам языке - затраты вашей «гостиницы» не идут ни в какое сравнение с той выгодой, которую она в итоге получает здесь и сейчас (я уже молчу про долгосрочные перспективы и экономическую выгоду). И чтобы вы поняли - у государства («гостиницы» по вашему) все деньги поступают в виде налогов, из которых и происходит содержание как самой «гостиницы», так и различных социальных пособий и выплат.
0
Уголь каменный/адказаць/
28.08.2023
основными товарами белорусского экспорта в Польшу являются трамваи, древесностружечные плиты, багажные, почтовые и другие вагоны, калийные удобрения и каменный уголь. Ну калийные удобрения ладно, а каменный уголь у нас откуда? И разве его у самих Поляков нет? Да и трамваи не припомню чтобы у нас производили
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера