Знайсці
22.08.2023 / 21:2843РусŁacБел

Венера за кадрам любіць іншы сэкс. Порназорка-беларуска расказала аб працы ў індустрыі інтымных фільмаў

Сапраўднае імя Венеры — Кацярына. Яе гісторыя — поўная супрацьлегласць міфаў аб тым, што ў порна дзяўчаты прыходзяць з нешчаслівых сем'яў. У Кацярыны ўсё было інакш: адносіны з заможным мужчынам, разрыў і жаданне захаваць ранейшы стандарт жыцця. Ці не шкадуе яна цяпер? «Наша Ніва» пагутарыла з ёю аб яе працы і асабістым баку жыцця. Усё няпроста.

Фота: інстаграм дзяўчыны

Каця нарадзілася ў невялікім беларускім горадзе ў поўнай сям'і: яе з любоўю выхоўвалі тата і маці. Жыццё цякло павольна, без нягод і асаблівых узрушэнняў. Падлеткам дзяўчына нічым не вылучалася між сваіх аднагодак і хлопчыкамі асабліва не цікавілася: «Я ўпершыню пацалавалася ў 16 гадоў. Усё як трэба: хлопец праводзіў да пад'езда, усё рамантычна. Я была такая шчаслівая».

Першы сэксуальны кантакт Каці адбыўся ў 20 гадоў. Тады яна вучылася ў інстытуце, які і скончыць з дыпломам менеджаркі-эканамісткі. Праўда, па атрыманай спецыяльнасці папрацаваць ёй не давялося. «У мяне ёсць вышэйшая адукацыя, але я заўсёды адчувала, што дыплом будзе проста пыліцца сярод дакументаў», — прызнаецца дзяўчына.

Пазней Кацярына сустрэла заможнага мужчыну і закахалася. Завязаліся адносіны. Партнёр фінансава дапамагаў каханай, аднак казка была не доўгай: «Па беларускіх мерках я жыла нядрэнна: кватэру здымала, машына была свая. Але тады была важная жыццёвая навука — не трэба ні на кога спадзявацца. Трэба забяспечваць сябе самой».

Свет сапсаваўся — неабходна нешта з гэтым рабіць

Дзяўчына не хавае, што абвыкла да пэўнага ўзроўню камфорту. Ёй хацелася жыць добра, не зважаючы на цэннікі ў крамах, таму неўзабаве патрэбна было шукаць працу з добрым заробкам.

Успамінаючы той час, Каця кажа: «Грошы кіруюць светам, але нельга дабіцца поспеху, седзячы на ​​канапе. Калі апетыты растуць — значыць, трэба пачынаць працаваць і развівацца». Так тры гады таму дзяўчына апынулася ў порна. Яна выбрала прыгожы псеўданім і пачала актыўна здымацца.

«Я пайшла ў індустрыю без страху асуджэння. Давайце будзем шчырыя, мы з'явіліся на свет таму, што калісьці нашы бацькі заняліся сэксам. Проста нехта робіць гэта цішком, а нехта — адкрыта».

Фота: інстаграм дзяўчыны

Кар'ера развівалася імкліва. Сёння аўдыторыя Венеры налічвае дзясяткі тысяч чалавек: толькі ў інстаграм у дзяўчыны больш за 41 тысячу падпісчыкаў. Але праца ў індустрыі нялёгкая: «Сэкс можа даць розныя энергіі: добрыя і дрэнныя. Порна таксама рознае бывае. Большасць людзей не здагадваюцца, што адбываецца ў рэальнасці за кадрам. Калі гэта ўсё ведаць, можна паехаць».

«Порна стала больш жорсткім і брудным, у ім мала прыгажосці. Мусіць, сапсаваўся свет і самі людзі. Але калі такога кантэнту жадаюць гледачы, значыць, прадукт будзе вырабляцца. Мне падаецца, трэба нешта мяняць ва ўспрыманні людзей».

З часам Каця навучылася даваць рады нагрузцы і прыдзірліва падыходзіць да выбару сцэн. Яна не здымаецца ў занадта хардовых жанрах, хоць на такі кантэнт вялікі попыт. Дзяўчына ўпэўненая, што стаць папулярнай актрысай ёй дапамагло не столькі прыгожае цела і тое, што яна можа з ім рабіць, колькі сам падыход да працы. Каб лепш разумець гледача, яна пачала вывучаць псіхалогію і НЛП, а таксама шукаць натхненне ў творах мастацтва і архітэктуры.

«Усе творчыя людзі крыху вар'яты. Калі казаць пра Гаўдзі — думаю, многія яго сучаснікі лічылі, што ён робіць нейкія няправільныя рэчы, а зараз мы захапляемся гэтымі будынкамі. Такія людзі заўсёды крыху самотныя, але ім важна ствараць сваё. Мне таксама гэта важна. Калі ты бачыш сваю мэту і ўпарта ідзеш да яе, у цябе ўсё выбудоўваецца як трэба».

Кожная дзяўчына ў індустрыі сутыкаецца з шантажом

Ценявы бок працы ў порна — шантаж і асуджэнне грамадства, з якімі сутыкаецца кожны акцёр. Гэта не абышло бокам і Кацю. Пасля некалькіх фільмаў ёй пачалі пісаць невядомыя і пагражаць, што раскажуць пра яе прафесію бацькам, якія на той момант не ведалі, чым займаецца іх дачка. Дзяўчына вырашыла не плаціць грошы вымагальнікам, знайшла ў сабе смеласць і расказала ўсю праўду сям'і.

«Вядома, бацькі былі не ў захапленні ад майго выбару, але ў канчатковым выніку яго прынялі. У нас так прынята — падтрымліваць і паважаць рашэнні адно аднаго. Для мяне гэта вельмі каштоўна — я тактыльны чалавек, мне важныя абдымкі маці і добрыя адносіны ў сям'і».

Сутыкалася Каця і з хейтам. Ёй здаецца, што ў грамадстве існуе прадузятае стаўленне да акцёраў «жанру для дарослых» і звязана гэта з абмежаваным мысленнем некаторых членаў грамадства.

«Тэлебачанне замбуе людзей і звужае рамкі, якімі яны думаюць. Народ павінен быць крыху тупаваты. Не трэба шмат разумнага народа. Ад гэтага з'яўляюцца людзі-планктоны, якія не жадаюць выходзіць са сваіх межаў і аналізаваць сітуацыю самастойна», — адзначае акцёрка.

Работнікаў порна часта асуджаюць за тое, што фільмы інтымнага характару разбэшчваюць мужчын і правакуюць іх на здрады. Але ў Каці ёсць сваё меркаванне наконт гэтага: «Калі мужчына павёўся на інстынкт і занядбаў сям'ю, то я не магу назваць яго гэтым словам — мужчына. Усё ж такі дарослы чалавек павінен умець утаймоўваць сябе і, калі гэта неабходна, рабіць правільны выбар».

Акцёрка адзначае, што ў здрадах мужчын нярэдка вінаватыя і самі «звычайныя» жанчыны:

«Жанчыны самі псуюць мужчын. Пакуль нехта не скажа «не» жанатаму — так і будзе працягвацца».

Што датычыць прымхаў, якія існуюць вакол індустрыі порна, і негатыўных наступстваў, якія могуць з'явіцца пасля праглядаў інтымных фільмаў, то іх Кацярына тлумачыць адсутнасцю якаснай сэксуальнай адукацыі:

«У нашым грамадстве не расказваюць, як гэта правільна рабіць (займацца сэксам. — НН), каб не было траўмы і бруду. Я не кажу, што трэба займацца адкрыта ўсім і ўсюды, але нейкія базавыя рэчы тлумачыць усё ж трэба. Бо сэкс — гэта жар, цікавасць, закаханасць, а на каханні ўсё і будуецца».

Калі мужчына стварае ўмовы, у якіх жанчына вымушана быць «ваяром» — то нафіга такі партнёр

За межамі здымачнай пляцоўкі Венера — звычайная дзяўчына і прызнае, што «за кадрам» любіць іншы сэкс: ласкавы, далікатны, мерны, часам гарачы. Каці падабаецца натуральнасць, і ў паўсядзённым жыцці яна рэдка носіць яркі макіяж. Як і многія дзяўчаты, яна хоча сустрэць чалавека, якому зможа аддаць сваё сэрца, але пакуль пошукі не ўвянчаліся поспехам — незадоўга да нашай размовы актрыса зноў перажыла цяжкае расстанне.

«Мне здраджвалі вельмі жорстка, вельмі моцна. Апошні раз гэта адбылося нядаўна. Я падпусціла мужчыну блізка да сэрца і моцна ад гэтага пацярпела: духоўна і фізічна. Кахала яго, як сабака, аддана, даравала, вочы заплюшчвала, але інтуіцыя казала, што гэта не мой чалавек. І цяпер адграбаю за тое, што ігнаравала знакі і замест сябе выбірала камфорт іншага чалавека. Але ў выніку ты, вядома, становішся мацнейшай пасля такіх узрушэнняў, перамагаючы гэты душэўны боль».

Але Каця не засмучаецца — у дзяўчыны ўжо ёсць дакладнае разуменне, якім павінен быць мужчына, з якім яна будзе гатова ўступіць у наступныя адносіны:

«Я лічу, што мужчына мусіць быць мужчынам, сцяной. А калі ён стварае ўмовы, у якіх жанчына вымушана быць «ваяром» — то нафіга такі партнёр. Большасць жанчын цягнуць на сабе працу, побыт, укладваюць рэсурсы, каб быць прыгожымі і разумнымі. А тут Вася, які толькі сядзіць на канапе і не развіваецца. Навошта такія адносіны? Трэба сябе паважаць».

Фота: інстаграм дзяўчыны

Але і да сабе дзяўчына ставіцца строга. Яна не верыць у казкі пра Папялушку і ўпэўнена, што каб сустрэць прынца, трэба яму адпавядаць: быць цікавай, прыгожай, мець за плячыма культурны бэкграўнд.

«Някепска задумацца, што ты сама уяўляеш і што ты можаш даць мужчыну? Гэта і ў сяброўстве працуе. Калі ты нічога не можаш даць, ты нічога не можаш атрымаць».

Так ці інакш, Каця не зацыкліваецца на пошуках партнёра і ўпэўнена, што кожнаму чалавеку трэба ўмець быць шчаслівым сам-насам. Да таго ж, праблем з увагай з боку моцнага полу яна не адчувае: «Мужчыны часта мной цікавяцца. Мая праца іх не бянтэжыць, а, наадварот, выклікае павагу. Калі нехта пра яе пажартуе, я магу падтрымаць жарт. Галоўнае — каб былі рамкі».

Нескладана быць прыгожай, калі ў цябе ёсць стрыжань

Цяпер Кацярына актыўна развіваецца ў кар'еры — прыдумляе, як зрабіць сцэны больш хвалюючымі і запамінальнымі. Яна шануе эстэтыку ў кадры і таму ўважліва сочыць за сваім целам. Па словах актрысы, падтрыманне формы даецца ёй лёгка, бо быць прыгожай — гэта яе выбар.

Фота: інстаграм дзяўчыны

«Нескладана быць прыгожай, калі ў цябе ёсць стрыжань. Я паважаю сваё цела і хачу, каб яно было здаровым. Трэба паважаць тое, што ясі, і гатаваць з любоўю. Безумоўна, я магу з'есці гадасць, але потым я адпрацую яе ў трэнажорцы».

Шмат хто лічыць порна «бруднай» працай, але на гэта актрыса адказвае: «Калі ты паважаеш сваё цела, любіш яго, ты не дазволіш яму быць у дрэнным стане. Акрамя таго, перад працай мы здаём тэсты, і, калі ў цябе нейкая хвароба, цябе не возьмуць на здымку. Ты лечышся. Гэта абавязкова — такі закон».

Нягледзячы на ​​тое, што сучаснае порна не мае ўзроставых межаў, актрыса прызнаецца, што гэтая прафесія не на ўсё жыццё.

«Я раскрылася ў гэтай працы: умею кіраваць сваёй прыгажосцю і сэксуальнасцю, прыняла сябе. Мне б хацелася застацца ў гэтай сферы, але з часам я, напэўна, адмоўлюся ад кар'еры актрысы і займуся прадзюсаваннем».

Дзяўчына адзначае, што апошнім часам якасць фільмаў знізілася: «Раней, на касетах, якія мы знаходзілі ў бацькоў, у кадры была прыгожая дзяўчына, была рэжысура, эстэтыка, карцінка. Цяпер, з-за трафіку, якасць карцін зніжаецца — нядрэнна было б гэта выправіць».

«Наша Нiва» — бастыён беларушчыны

ПАДТРЫМАЦЬ

Чытайце таксама:

«У іспанцаў прынята хутка пераводзіць знаёмства ў ложак». Беларускі расказваюць, чым адрозніваюцца спатканні за мяжой

Навукоўцы высветлілі, у якой позе жанчыны часцей за ўсё атрымліваюць аргазм

Пасля аргазму (асабліва разам) лепш спіш, цяпер афіцыйна

Кацярына Гардзеева

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
бабруйчанін/адказаць/
26.08.2023
???Пытанне 30 год " конкурсы прыгажосці" як прыступка шлях у ложка..ні турбавала?? Выступ " ідзіе..лага" з парадамі ?? Гєта горш чым порна гэта нейкае..дзтва
4
Типок Вагнерок/адказаць/
26.08.2023
Я с похожей белорусской вчера время провел. Красивая
0
явсявася ясавясвя/адказаць/
27.08.2023
а что если Vasia уже не хочет ?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031