Знайсці
06.08.2023 / 17:47РусŁacБел

У Пакістане 30 чалавек загінулі пры сходзе цягніка з рэек

Не менш за 30 чалавек загінулі і больш за 80 атрымалі раненні ў выніку сходу з рэек вагонаў цягніка Hazara Express у пакістанскай правінцыі Сінд, паведамляе тэлеканал Geo.

Фота: AP Photo/Pervez Masih

Паводле папярэдняй інфармацыі, з рэек сышлі ад 5 да 10 вагонаў цягніка, паліцыя пакуль не паведаміла, у чым была прычына крушэння.

У выніку аварыі спынены рух цягнікоў у правінцыі Сінд. Чыгуначныя ўлады заявілі, што аднаўленчыя работы могуць заняць да 18 гадзін.

Галоўны міністр правінцыі Сінд Мурад Алі Шах выказаў шкадаванне ў сувязі з гібеллю людзей у выніку інцыдэнту і даручыў аказаць пацярпелым неадкладную медыцынскую дапамогу.

Пакістанская армія і рэйнджары пачалі неадкладна аказваць дапамогу на месцы аварыі, да месца здарэння выкліканыя дадатковыя сілы. Таксама паведамляецца, што для выратавальных работ былі адпраўленыя верталёты армейскай авіяцыі.

Чытайце таксама:

У Пакістане тэрарыст-смяротнік учыніў выбух на партыйным сходзе

У Грузіі на тэрыторыі горнага курорта сышоў апоўзень. Загінулі 7 чалавек, 35 прапалі

У Свярдлоўскай вобласці Расіі «ўдзельнікі СВА» ледзь не ўтапілі дзяўчыну ў фантане з-за блакітнага колеру валасоў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера