Знайсці
13.08.2023 / 08:533РусŁacБел

Як надзейна выдаліць фота з iPhone і iCloud — падрабязны гайд

Шмат хто з нашых чытачоў мае прылады ад Apple. Выдаленне ў іх адбываецца трохі іначай, чым у смартфонах ад Android. Распавядаем, як праверыць вашы фота і надзейна іх выдаліць, абараніўшы сябе.

Фота: AP Photo/Jeff Chiu

Спачатку зайдзіце ў праграму «Фота» (Photos). Вам адкрыецца альбом «Усе фота» (All Photos).

Так выглядае ніжняя частка меню альбома «Усе фота» — так можна зразумець, што вы пабачыце ўсе магчымыя фота, што захоўваюцца на iPhone.

Націсніце «Абраць» (Select) і праглядзіце вашу галерэю. Абярыце ўсе фота, якія вы хацелі б выдаліць. Націсніце на значок «Сметніцы» ў правым ніжнім куце. Націсніце «Выдаліць» (Delete).

Выдзяленне і выдаленне 

Далей націсніце «Альбомы» (Albums) у ніжнім меню. Калі адкрыюцца альбомы, дагартайце ўніз да альбома «Нядаўна выдаленыя» (Recently Deleted).

Пункт меню «Альбомы» ў праграме «Фота»

Націсніце «Абраць» (Select) у правым верхнім куце. Абярыце тыя фота, якія вы хочаце выдаліць зусім (у нашым выпадку мы абралі толькі тры, але можна абраць колькі хочаце). Далей націсніце «Выдаліць» (Delete).

Так выглядаюць абраныя фота. Трэба націснуць Delete.

Прадстаўнікі ініцыятывы СyberBeaver кажуць, што можа прайсці нейкі час, каб адбылася сінхранізацыя. «Калі няма магчымасці пачакаць, вы можаце залагініцца на сайце iCloud са сваёй прылады і выбраць Photos, знайсці тое, што трэба, і таксама выдаліць у два этапы — з галерэі і папкі выдаленых фота», — кажуць яны.

Сінхранізацыя з iCloud

Усе вашы фота па змоўчанні на iOS захоўваюцца ў iCloud Photo Library. Там жа захоўваюцца і звесткі іншых праграмаў. Робіцца гэта, каб эканоміць месца на прыладзе і мець да іх доступ з любога пункту. Спачатку зайдзіце ў ваш iCloud, націснуўшы на назву вашага акаўнта ў меню, а пасля дагартайце да пункта iCloud.

Меню вашага акаўнта

Далей націсніце iCloud, і вам адкрыецца меню, дзе вы можаце кіраваць сінхранізацыяй.

Меню iCloud

Тут паказана, ці захоўваюцца ў iCloud фота і файлы. Падумайце, ці вы хочаце сінхранізаваць фота. Калі не, то ў нашым артыкуле пра выдаленне фота мы распавядалі, як яго адключыць.

Далей націсніце на пункт iCloud Backup.

Пункт меню iCloud Backup

Далей націсніце на прыладу, рэзервовую копію якой вы хацелі б праглядзець — у выпадку на скрыншоце гэта iPhone, але можна так кіраваць усімі рэзервовымі копіямі ў вашым акаўнце.

Меню сінхранізацыі

Тут вы можаце кіраваць тым, інфармацыя з якіх праграмаў захоўваецца ў воблачным сховішчы. Або цалкам адключыць яе і выдаліць рэзервовую копію, націснуўшы на кнопку Delene & Turn Off Backup і пацвердзіўшы гэтае дзеянне.

Ці можна ўзнавіць выдаленую інфармацыю на iPhone?

Падрабязнасці ўзнаўлення файлаў на iOS нам патлумачылі прадстаўнікі ініцыятывы CyberBeaver:

«Ёсць праграмы, якія ўзнаўляюць выдаленыя файлы ў айфонах. Калі ў вас або кагосьці яшчэ ёсць доступ да разблакаванага тэлефона, то імі можна скарыстацца. Эфектыўнасць такіх праграм для айфонаў спрэчная і будзе залежаць не толькі ад якасці алгарытмаў самой праграмы, але і ад іншых фактараў. 

Аднаўленне сапраўды выдаленых файлаў на iOS будзе праблемай нават для софту спецслужбаў, бо кожны файл шыфруецца індывідуальна. Калі файл выдаляецца, то ключ шыфравання выдаляецца таксама. То-бок, аднавіць файл будзе магчыма, але расшыфраваць ужо не. Але не ўся інфармацыя на айфонах захоўваецца як індывідуальныя файлы. Некаторыя тыпы (паведамленні SMS і iMessages, нататкі, кантакты, календары і гісторыя званкоў) могуць мець выгляд запісаў у базе даных. Адпаведна, іх аднавіць прасцей.

З кожнай новай версіяй iOS падобныя ўразлівасці закрываюцца. Напрыклад, індывідуальнае шыфраванне файлаў з'явілася для iOS 12».

Такім чынам, выдаліць файлы з айфонаў можна даволі надзейна. Невядома, ці здольныя беларускія спецслужбы іх узнавіць пасля, але такія выпадкі публічна невядомыя.

«Наша Нiва» — бастыён беларушчыны

ПАДТРЫМАЦЬ

Чытайце таксама:

Затрымліваюць людзей, у якіх адшукалі фота з пратэстаў у Google Photos. Як абараніць сябе — пакрокавы гайд

Як надзейна вычысціць фоты з вашых смартфонаў — падрабязны гайд

Распазнаванне твараў: што гэта такое, як яно працуе і якія здольнасці беларускіх сілавікоў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Шыпшына/адказаць/
13.08.2023
Дзякуй, будзе выдатна, калі будзе больш падобных матэрыялаў для айфонаў, як для андроідаў.
1
Максим Дизайнер/адказаць/
13.08.2023
Очень актуалная новость. Я на полном серьезе. Сам удивлен, откуда у бедных, няшчасных, задавленных крывавай диктатурой студенток ПТУ, я уже молчу про остальных, такое количество новых айфонов и макбуков.
2
Не поверите/адказаць/
13.08.2023
Максим Дизайнер,
у счастливых школьников (школьников!) в Европе или Америке есть не только новые iPhone и компьютеры, но они еще путешествуют по миру, живут в нормальных домах, могут безбоязненно высказывать свое мнение по любым вопросам и, главное, свободны. А студенты ПТУ или университетов - так еще машины имеют, работают (15-20 евро/час), а некоторые и дома покупают.
Так что студентки беларусских ПТУ действительно бедные, несчастные и задавлены кровавой диктатурой. Все познается в сравнении.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1234
567891011
12131415161718
19202122232425
26272829