Знайсці
28.07.2023 / 11:47РусŁacБел

У Беларусь прыходзіць яшчэ адна расійская парфумерна-касметычная сетка крам

На беларускім рынку неўзабаве з'явіцца яшчэ адзін буйны расійскі рытэйлер. На партале HeadHunter (hh.ru) з'явілася вакансія для мінскага офіса парфумерна-касметычнай сеткі «Лэтуаль», заўважыў Office Life.

Фота: «Яндэкс Карты»

Кампанія шукае памочніка бухгалтара па ўліку таварна-матэрыяльных каштоўнасцяў. Спецыялісту абяцаюць ад 26 250 да 30 000 расійскіх рублёў ($290-335).

Пра тое, што найбуйнейшы расійскі гулец у гэтай нішы разглядае выхад на рынак Беларусі, стала вядома ў пачатку гэтага года. Таксама называліся іншыя магчымыя напрамкі экспансіі — ад Казахстана да Манголіі. Цяпер сярод вакансій за мяжой у профілі «Лэтуаль» на hh.ru акрамя Беларусі пазначаны супрацоўнікі ў офіс у ААЭ і спецыяліст па анлайн-продажах у Турцыі.

Уладальнікам сеткі з'яўляецца кампанія «Алькор і Ко», кантраляваная Максімам Клімавым. Пад брэндам «Лэтуаль» працуе больш за тысячу крам у Расіі.

На беларускім рынку ўжо прысутнічае іншая вядомая расійская парфумерна-касметычная сетка — «Залаты яблык».

Чытайце таксама:

Топ-10 найбуйнейшых сетак грамадскага харчавання ў Беларусі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
0
Ха-ха
2
Ого
1
Сумна
1
Абуральна
5
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930