Знайсці
26.07.2023 / 07:503РусŁacБел

Чарговая спецмісія Бондаравай. Гэтым разам над «Еўраоптам»

«Еўраопт» прыбраў фатаграфіі папулярнага моладзевага блогера Дзім Дзімыча з сайта школьных тавараў. Раней прапагандыстка Вольга Бондарава абвінаваціла інфлюэнсера ў схаванай «прапагандзе ЛГБТ», напісала з гэтай нагоды скаргі ў МУС, МАРГ і Міністэрства адукацыі, а таксама адмовілася купляць прадукты ў крамах сеткі, піша «Люстэрка».

Так выглядаў сайт «Еўраопта» са школьнымі таварамі раней. Скрыншот 21 ліпеня 2023 года

На абноўленым сайце са школьнымі таварамі «Еўраопта» Дзім Дзімыча больш няма. Недаступнае і рэкламнае відэа з удзелам блогера, якое было апублікавана 24 ліпеня ў канале кампаніі ў TikTok.

«Еўраопт» пакуль ніяк не пракаментаваў знікненне інфлюэнсера, затое Бондарава апублікавала абразлівы допіс да «гандляроў з «Еўраопта» з заклікам «валіць» у Еўропу.

«Запомніце: вам не месца побач з нашымі дзецьмі», — напісала прапагандыстка і паабяцала яшчэ разабрацца з тымі, хто запрасіў Дзім Дзімыча выступіць на «Славянскім базары».

Так выглядае абноўлены сайт «Еўраопта» са школьнымі таварамі цяпер. Скрыншот 25 ліпеня 2023 года

Бондарава таксама звярнулася да старшыні рады дырэктараў і гендырэктара ТАА «Еўрагандаль» з патрабаваннем «не спыняцца на дасягнутым і ачысціць» ад Дзім Дзімыча яшчэ і рэкламу бонсцікаў.

Так выглядаў сайт «Еўраопта» са школьнымі таварамі раней. Скрыншот 21 ліпеня 2023 года

Дзім Дзімыч — папулярны беларускі блогер, у якога ў TikTok амаль 2 млн падпісчыкаў, а ў YouTube — 4,5 млн. Яго аўдыторыя — у асноўным школьнікі-падлеткі. У роліках Дзім Дзімыча прапагандыстку збянтэжыла тое, што ён з'яўляецца ў кадры ў адзенні ружовага колеру. Акрамя таго, Бондарава знайшла ў сетцы жартаўлівыя фатаграфіі новага куміра моладзі ў сукенцы. Усё гэта пераканала гродзенскую актывістку ў тым, што Дзім Дзімыч нібыта займаецца «прапагандай ЛГБТ». Не выратавалі блогера нават выступы на праўладных канцэртах і хвалебныя водгукі ад БРСМ.

Прапагандыстка склала з гэтай нагоды калектыўны зварот у МУС, МАРГ і Мінадукацыі, у якім абвінаваціла кіраўніцтва кампаніі ў спробе «ператварыць беларусаў у кіраваны натоўп спажыўцоў, навязваючы ім праз рэкламу «модныя» еўрапейскія вычварэнствы ў якасці «новай нармальнасці».

Так выглядае абноўлены сайт «Еўраопта» са школьнымі таварамі цяпер. Скрыншот 25 ліпеня 2023 года

Чытайце таксама:

Бондарава прысвоіла сабе знішчэнне знака ў гонар паўстання 1863 года і хоча замяніць Касцюшку на Сталіна

«Нябачныя» сведкі справы Алеся Пушкіна. Хто данёс на мастака

«Інфаказачка» Вольга Бондарава запісала пакаяльнае відэа

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
За Свабоду!/адказаць/
26.07.2023
Хто не ведае, Бондарава яшчэ і ўступіла ў кампартыю, лукашысцкую КПБ, другі сакратар ці то гаркома, ці то райкома ў Менску. Таму ў яе галаве камунякі,  рускамірцы і ябацькі жывуць адначасова. А гэта ўжо клініка. А тут яшчэ нянавісць да ружована колеру...Псіхіятры паціраюць рукі.
0
Шляхцич Завальня/адказаць/
26.07.2023
Когда сам чёрт - то везде черти мерещатся
26.07.2023
Жги дальше, очкалопая жаба, не останавливайся )))
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера