Знайсці
18.07.2023 / 16:35РусŁacБел

Ілан Маск папярэдзіў Кітай, што краіна можа быць цалкам захопленая штучным інтэлектам

Адпаведныя перасцярогі амерыканскі мільярдэр выказаў асабіста кітайскаму ўраду падчас сустрэчы з ім.

Фота: Getty Images

Амерыканскі прадпрымальнік і мільярдэр Ілан Маск прызнаўся, што асабіста размаўляў з кітайскімі ўладамі наконт іх планаў стварыць у краіне «лічбавы звышінтэлект» і звязанай з гэтым рызыкай. Словы Маска 14 ліпеня прывяло навуковае выданне HT Tech.

Падчас свайго нядаўняга візіту ў Кітай Ілан Маск, па яго словах, папярэдзіў кіраўніцтва Кітая, што стварэнне такога інтэлекту можа прывесці да сур'ёзных праблем аж да страты кантролю над краінай і ўсяго, што з гэтага вынікае.

«Кітай — важны саюзнік чалавецтва па рэгуляванні і барацьбе з рызыкай штучнага інтэлекту. Аднак я сказаў іх кіраўніцтву, што калі яны створаць лічбавы звышінтэлект, то непазбежна страцяць кантроль над ім, Камуністычнай партыяй і ўвогуле над усім Кітаем. 

Я ўпэўнены, што ніводзін урад на планеце не хоча быць скінуты штучным інтэлектам, і мае засцярогі кітайцы ўспрынялі сур'ёзна», — падкрэсліў мільярдэр.

Нагадаем, што нядаўна Ілан Маск уварваўся ў гонку штучных інтэлектаў, стварыўшы новую кампанію пад назвай X.AI, якая, па задуме прадпрымальніка, павінна скласці сур'ёзную канкурэнцыю дзейным гульцам на рынку нейрасетак, асабліва кампаніі OpenAI — стваральніцы сусветна вядомага ChatGPT.

Дарэчы, OpenAI у гэтым месяцы сама публічна выступіла з папярэджаннем, што стварэнне і развіццё штучнага інтэлекту можа прывесці да гібелі чалавецтва.

Чытайце таксама:

Цукерберг рыхтуецца да бою з Маскам. Ён правёў трэніроўку з чэмпіёнамі UFC 

Чат-боты са штучным інтэлектам пішуць навіны. Як гэта змяняе працу рэдакцый

«Камень-бумеранг». Упершыню на нашай планеце быў знойдзены метэарыт зямнога паходжання

Марк Рыхтэр

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
2
Ха-ха
8
Ого
4
Сумна
0
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031