Знайсці
10.07.2023 / 23:348РусŁacБел

На раскопках пад Мінскам знайшлі яшчэ адзін трызуб князя Ізяслава

Яшчэ адзін фрагмент посуду з радавым знакам князя Ізяслава, сына Рагнеды і Уладзіміра, знайшлі на археалагічным комплексе на рацэ Менцы 7 ліпеня 2023 года, паведамілі на сайце Нацыянальнай акадэміі навук Беларусі.

Фрагмент посуду з трызубам Ізяслава. Фота: nasb.gov.by

Археалагічныя даследаванні гарадзішча і селішчаў пад кіраўніцтвам загадчыка аддзела Інстытута гісторыі Андрэя Вайцяховіча вядуцца на Менцы з канца мая.

Першае падобнае адкрыццё, якое ў значнай ступені паўплывала на планы маштабнага вывучэння гісторыка-культурнай каштоўнасці каля вёскі Гарадзішча Мінскага раёна, зрабілі ў мінулым годзе.

«Тады сенсацыя была ў тым, што захаванае донца гаршка — адзінае падобнае ў Беларусі (цяпер ужо два). Гэта гаршчок, з якога еў сам князь! — пішуць на інстаграм-старонцы сядзібы «Стары Менск». — Ужо тады навукоўцы выказалі меркаванне, што Рагнеду з Ізяславам маглі саслаць не на голае месца ў Заслаўе, а ў Менск. А Заслаўе Ізяслаў заснаваў ужо сам. І вось — другая такая знаходка! Цяпер няма ніякіх сумневаў, што ўжо ў канцы X стагоддзя Менск быў княжацкім горадам і меў вельмі высокі статус».

Усяго некалькі тыдняў таму на раскопках знайшлі касцяны грабеньчык, якому 1000 гадоў.

Раскопкі ў Старым Менску. Фота: nasb.gov.by

Нагадаем, што раскопкі ў Старым Менску, на замчышчы і селішчы ХІ стагоддзя, ідуць кожны дзень уключна з суботай.

Археолагі запрашаюць далучацца ўсіх ахвотных, алгарытм па наступнай спасылцы.

Чытайце таксама:

На раскопках у Беларусі знайшлі свістульку, якой 400 гадоў, і аднавілі яе гук. Вы паслухайце!

Гарадзішча, на якім пачынаўся Мінск, абвясцілі пешаходнай зонай

На месцы мінскага замчышча знайшлі вытанчаную кафлю

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
AlesGut /адказаць/
11.07.2023
Советник Св. Светланы, што, цягне паслухаць разумнага чалавека?
0
Гыгы/адказаць/
11.07.2023
Вельмі палітычна граматная знаходка. Трызубы і спадчына кіеўскага князя ў Беларусі гэта актуальна пры бягучым міжнародным палажэнні.
3
Советник № 2..3 Св. Светланы/адказаць/
11.07.2023
AlesGut , а вашага разумнага чалавека на альцгеймер-деменцию-галубизну правярали ?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1234
567891011
12131415161718
19202122232425
26272829