Знайсці
20.06.2023 / 14:0411РусŁacБел

У Эстоніі легалізавалі аднаполыя шлюбы

Парламент Эстоніі (Рыйгікогу) прыняў закон, які прадугледжвае магчымасць заключэння шлюбу паміж дзвюма паўналетнімі асобамі незалежна ад іх полу з 1 студзеня 2024 года. Эстонія стала першай краінай ва Усходняй Еўропе, дзе легалізавалі аднаполыя шлюбы.

Фота: Pavel Golovkin / AP

За прыняцце ініцыяваных урадам змяненняў Закона аб сям'і і іншых звязаных з ім законаў прагаласавалі 55 членаў Рыйгікогу і 34 — супраць, піша Postimees.ee.

Акрамя шлюбу, у людзей у будучыні таксама захаваецца магчымасць заключыць дамову аб сумесным жыцці. Дамова гарантуе зарэгістраваным сужыцелям права прымаць рашэнні датычна адзін аднаго і пры неабходнасці атрымліваць дапамогі і кампенсацыі. Парам, якія заключылі дамову аб сумесным жыцці, будзе забяспечана магчымасць перайсці да шлюбу ў спрошчаным парадку.

Аднаполыя пары зараз могуць усынаўляць дзяцей са згоды біялагічнага бацькі.

Закон устанаўлівае прынцып, згодна з якім у дзіцяці не можа быць больш за два бацькі. Захоўваецца прынцып, згодна з якім правы і абавязкі ў дачыненні да дзіцяці ў першую чаргу належаць яго біялагічным бацькам.

Закон уступіць у сілу з 1 студзеня 2024 года.

«У кожнага павінна быць магчымасць уступіць у шлюб з чалавекам, якога ён кахае і з якім хоча звязаць сваё жыццё. Гэтым рашэннем мы, нарэшце, пацвярджаем сваю прыналежнасць да Паўночных краін і іншых дэмакратычных дзяржаў свету, у якіх гэта права ўжо гарантавана, — сказала прэм'ер-міністр Кая Калас. — Гэта рашэнне, якое нікога нічога не пазбаўляе, але многім дае нешта вельмі важнае. Адначасова яно дэманструе, што члены нашага грамадства клапоцяцца адно пра аднаго і паважаюць адно аднаго. Я ганаруся Эстоніяй».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
15
Панылы сорам
7
Ха-ха
1
Ого
1
Сумна
0
Абуральна
3
3
Жвір/адказаць/
20.06.2023
Бацька Панас, не дурыце галавы сваім правінцыяльным глупствам. Не вам мне расказваць, як там людзі жывуць, у Эстоніі.
1
Мужык/адказаць/
21.06.2023
Буэ
2
Common sense /адказаць/
21.06.2023
Нина, вековые чаянья это то,что даже у пи...в есть права. Пока вы это не поймёте , красауцы будут лупить вас вышибая вашу дурь,потому что не бывает так,что у нас права есть а у тех кто нам не нравится нет.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера