Знайсці
17.06.2023 / 23:4813РусŁacБел

«Мы пазажыраліся». Што гавораць беларускія дальнабойнікі пра канкурэнцыю з азіятамі

Апошнім часам у краінах ЕС з'явілася тэндэнцыя наймаць кіроўцаў-дальнабойнікаў з далёкай Азіі. Напрыклад, з Індыі. Вядома, што Індыя — краіна з амаль паўтара мільярда насельніцтва. Што наконт гэтага думаюць нашы кіроўцы, ці не пацясняць іх у краінах Еўрасаюза азіяцкія калегі? Разбіраўся «Ганцавіцкі час».

 

Кіроўца-азіят на еўрапейскім паркінгу

У чэрвені 2023 года індыйская прэса паведамляла, што ў гэтай краіне набіралі кіроўцаў для працы ў Венгрыі. Ім абяцалі заробак ад 1125 да 1687 еўра. Паводле адкрытых крыніц, сярэдні заробак у Індыі складаў да 400 даляраў у месяц, таму, вядома, прапанова для індыйскіх кіроўцаў здаецца прывабнай. Ці не баяцца ў сувязі з гэтым беларускія кіроўцы канкурэнцыі?

«Мы пазажыраліся»

Дальнабойнік Аляксандр расказаў, што бачыў на працы ў Еўропе нават калег з Філіпін. Ён распавёў, якія плюсы для працадаўцаў у такіх кіроўцаў.

«Я працаваў з узбекамі, яны тут больш часта. А ў адной фірме быў нават з філіпінцамі. У чым зацікаўленасць? Ну, вядома, у меншай аплаце працы. Мы тут бліжэй да ЕС, «пазажыраліся». Хочам 85—100 еўра ў суткі. Азіяты ж працуюць за 50—60 еўра, а то і менш.

А для працадаўцы ёсць плюсы. Тыя ж самыя індыйцы або філіпінцы на англійскай мове размаўляюць свабодна. А мы англійскай практычна не ведаем. Вазьмі 100 беларусаў або 100 украінцаў, ну пяць чалавек з іх будуць ведаць англійскую мову. А вазьмі 100 філіпінцаў — з іх пяць толькі не будуць ведаць англійскую.

Прыязджаюць, працуюць нармальна. Я асабліва не меў кантактаў, яны больш са сваімі землякамі маюць зносіны».

Спыталіся, ці не баіцца Аляксандр канкурэнцыі:

«Мне здаецца, яны моцнай канкурэнцыі нам не складуць. Усё ж такі Еўропа ёсць Еўропа, для нас гэта больш звыкла, чым для іх. А для іх гэта іншая цывілізацыя. Я думаю, яны доўга затрымлівацца не будуць: прыехалі, зарабілі грошай і з'ехалі. Аснову будуць складаць палякі, літоўцы, латышы, украінцы, беларусы», — упэўнены Аляксандр.

«Канкураваць трэба па прафесійных якасцях»

Кіроўца Сяргей — з Беларусі. Доўга працаваў «на кругах» (на маршрутах ЕС — Расія — Казахстан). Цяпер, у сілу сітуацыі, якая склалася, працуе ў літоўскай фірме.

Ён лічыць, што не трэба распаўсюджваць міфы пра калег з Азіі. І калі кіроўца будзе прафесіяналам, то не мае значэння, з якой ён краіны, працу знойдзе.

«Асабіста я лічу, што ўсё гэта грэблівае стаўленне і міфы пра іх — гэта не што іншае, як адсутнасць разумення канкурэнтных пераваг. Нашы кіроўцы нічым не лепшыя і не горшыя за кіроўцаў з Азіі і Афрыкі. А з пераваг толькі месца пражывання, якое бліжэй да Еўропы.

Я лічу, што канкураваць трэба не па нацыянальнасці і месцы пастаяннага пражывання, а па прафесійных якасцях. Такіх, як веданне нормаў і правілаў перавозкі грузаў, замежных моў і ўсяго астатняга, што звязана з прафесіяй».

«Яны таксама хочуць лепшай долі»

У чаце дальнабойнікаў па Еўропе выказаўся кіроўца Арцём:

«Яны таксама хочуць лепшай долі. Плюс на англійскай нармальна размаўляюць. З адным меў зносіны на паркінгу ў Галандыі, былы лекар-фізіятэрапеўт. Стэрэатыпны індыец з турбанам, ён кажа, што ад працы кіроўцам нерэальна кайфуе.

Я ўпэўнены, што калі б беларусам адкрылі мяжу цалкам, без лішняй цяганіны з візамі, нашых вадзіл было б праз аднаго», — кажа Арцём.

Ці будзе канкурэнцыя з індыйцамі?

На гэтае пытанне лепш, напэўна, адказаць некаторымі лічбамі. У Індыі дальнабойнік зарабляе ў месяц каля 35 тысяч рупій — гэта менш за 400 даляраў. У ЕС ён можа зарабляць у тры-чатыры разы больш. Але гэта больш за шэсць тысяч кіламетраў ад дому.

Індыйскія кіроўцы ўжо працуюць у такіх буйных еўрапейскіх кампаніях, як Girteka, Waberer's і іншых. У Індыі няма недахопу працы для кіроўцаў. І нават наадварот: на 100 грузавікоў прыпадае толькі 70 кіроўцаў. Гэта значыць, у Індыі дэфіцыт кіроўцаў.

У такіх умовах часта мае значэнне псіхалагічны фактар: прасцей працаваць дома, бліжэй да сям'і, хоць і будзеш мець меншы заробак. У Індыі кіроўца без працы не застанецца.

Беларускіх і ўкраінскіх дальнабойнікаў у ЕС усё больш

Паводле статыстыкі, у 2022 годзе ў Польшчы было выдадзена 36 649 пасведчанняў кіроўцы для асоб з Беларусі, а таксама 59 108 — для асоб з Украіны. Гэта значыць, што на адзін атэстат беларуса прыпадала 1,6 атэстата ўкраінца.

Прыток беларускіх кіроўцаў значна паскорыўся. Для параўнання, у 2021 годзе на адзін атэстат з Беларусі прыпадала 2,7 — з Украіны (суадносіны 60 960 да 22 378). У 2020 годзе розніца была яшчэ больш прыкметнай, бо на адну «чырвоную паперу» беларуса прыпадала цэлых 3,2 украінца (суадносіны 48 858 да 15 307).

Чытайце таксама:

«За пустую кватэру заплаціў пад 190 рублёў, не працаваў нават халадзільнік». Беларускія дальнабойшчыкі ў шоку ад сваіх жыровак

Пасля 16 мая беларускія страхавыя кампаніі перастануць выпісваць «Зялёныя карты». Як будзем выязджаць пасля?

Польшча дабіваецца, каб у новы санкцыйны пакет ЕС уключылі забарону на рэгістрацыю транспартных фірмаў з Беларусі і Расіі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Дальнобой/адказаць/
18.06.2023
Айтишник, а где вы прочли хоть слово от меня против учёбы и саморазвития. Вам говорят что зарплата указанная является нарушением Европейских законов о труде водителей дальнобойщиков. Название статьи "Позажирались" каким боком к вашим толдычиниям о учёбе........ Или у вас иногда не до законов? Тогда и сидите в своей стране.
0
Айтишник/адказаць/
18.06.2023
Дальнобой, так вы наверное статью плохо прочитали, слово «позажирались» в статье как раз и прозвучало в том контексте, что среди 100 дальнобойщиков из Беларуси, только 5% будет более менее владеть английским. В то время как большинство выходцев из Азии знают его на хорошем уровне. Причем беларусы хотят и 100 евро получать, но при этом ничего не готовы ради этого делать, не могут даже элементарно английский выучить хотя бы до уровня, который необходим для выполнения работы. Вы конечно можете и дальше питать иллюзии, что такая ситуация с нехваткой водителей будет продолжаться вечно, что можно заряжать 100. Но поверьте, бизнес найдет как это решить законным путем. Свободный рынок и конкуренция сделают свое дело. Поэтому не нужно здесь кидаться ярлыками в стиле местных неадекватов про «не до законов». В свое время крупные пассажирские авиа компании тоже так думали, пока не появилась бизнес модель с лоукостерами. И тогда многие, как и вы сейчас, пророчили им банкротство. Но сейчас с ними вынуждены считаться, более того, большинство авиа гигантов запустили свои лоукост линии.
0
Федзя/адказаць/
20.06.2023
Почитал статью, сразу видно что она левая, написана человеком, который полностью не в теме, написана полная чушь!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1234
567891011
12131415161718
19202122232425
26272829