Знайсці
16.06.2023 / 15:172РусŁacБел

На вадаёме пад Ляхавічамі адбылася масавая гібель чаек

Трупы птушак ляжалі проста на драўляным мастку.

Паведамленні пра масавую гібель чаек на Ляхавіцкім вадасховішчы (каля вёскі Мінічы) з'явіліся некалькі дзён таму ў суполках рыбакоў у сацсетках. Яны пішуць, што трупамі птушак усеяны рыбалоўны масток з боку вёскі Набярэжная і прыбярэжныя вады. І ў якасці доказу прыкладваюць фатаграфіі, піша баранавіцкі партал Bar24by.

Хтосьці лічыць, што чаек атруцілі спецыяльна, хтосьці — што ўсяму віной гарачае надвор'е і атрутнае цвіценне водарасцяў у вадаёме.

Ёсць нават версія, што гэта нейкая птушыная пандэмія: «на Мышанцы таксама валяюцца і ходзяць як прышыбленыя». Рыбакі адзначаюць, што на Мышанцы хоць прыбіраюць прыбітыя да берага трупы рыб і птушак.

Арнітолагі распавялі, што масавая гібель птушак можа быць звязана з птушыным грыпам. З іх слоў, сёлета такая сітуацыя адбылася ў Магілёве на возеры Святое.

— Чаму памерлі чайкі, павінны высветліць ветэрынары і спецыялісты Мінпрыроды, — растлумачылі арнітолагі.

Чытайце таксама:

Каля Заслаўя бусел з'еў смецце і памёр

У Магілёве масава паміраюць чайкі. Што можа быць прычынай? Ёсць некалькі версій

Жыхару Смаргоні сын падарыў на дзень нараджэння страусаў. Гаспадар перарабіў плот, бо метровы птушкі бралі з разбегу

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
16.06.2023
Птушыны грып.
16.06.2023
skada....mazliva nehta atruciu....
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера