Знайсці
05.06.2023 / 10:092РусŁacБел

У Брэсце затрымалі за спробу хабару памерам больш за 1 мільён рублёў

Затрыманаму пагражае да 15 гадоў калоніі.

Ілюстрацыйнае фота: «Наша Ніва»

Супрацоўнікі ГУБАЗіКа затрымалі на месцы злачынства пры атрыманні хабару службовую асобу аднаго з градаўтваральных прадпрыемстваў Брэсцкай вобласці (якога, не ўдакладняецца), паведамляе прэс-служба МУС.

У мінулым годзе завод выставілі на таргі, пасля чаго адзін з патэнцыйных інвестараў захацеў яго купіць. Антыкрызісны кіраўнік прапанаваў знізіць кошт лота на 50% за ўзнагароджанне ў 1,25 мільёна рублёў. Атрымаўшы згоду, ён пачаў актыўныя дзеянні: адразу пасля заканчэння чарговых таргоў прызначаліся і праводзіліся новыя. Гэта дазволіла за паўгода знізіць афіцыйную цану практычна да патрэбнага ўзроўню.

У канцы мая ў сталічным гатэлі адбылася сустрэча мужчыны з прадстаўніком інвестара. Пры атрыманні часткі хабару памерам 50 тысяч рублёў 62-гадовага мужчыну затрымалі.

Берасцеец працаваў антыкрызісным кіраўніком з 2016 года. Яму належыць дарагая нерухомая маёмасць у Мінску і Брэсце, а таксама аўто прэміяльнага ўзроўню. Пры ператрусе знойдзена больш за 150 тысяч даляраў гатоўкай.

Следчымі заведзена крымінальная справа, мужчына арыштаваны. Яму пагражае да 15 гадоў пазбаўлення волі. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Правдоруб /адказаць/
05.06.2023
Так вот откуда в Минске дорогие авто овер 100к зелени!... Не надо высокий оклад, дайте маленький склад (должность). Вот так и разворовали народное достояние за 29 лет.
0
Тэкля/адказаць/
05.06.2023
Апетыт прыходзіць, як кажуць, у час прыняцця ежы. 
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера