Знайсці
02.06.2023 / 14:035РусŁacБел

Ад МКАДа да Мінскага мора пабудуюць веладарожку

У Мінскім раёне адно з самых папулярных месцаў адпачынку — Мінскае мора, або Заслаўскае вадасховішча. Ступень яго гатоўнасці ацаніў у чацвер старшыня Мінскага аблвыканкама Аляксандр Турчын. Разам з міністрам унутраных спраў Іванам Кубраковым і мэрам Мінска Уладзімірам Кухаравым ён наведаў пляж №5 — адзін з самых папулярных пясчаных пляжаў Заслаўскага вадасховішча.

Фота: «Мінская праўда»

Месца сустрэчы — экалагічная сцежка, якая пачынаецца каля аўтобуснага прыпынку і вядзе акурат да пляжа №5 Заслаўскага вадасховішча, піша «Мінская праўда».

Летась Мінская абласная Дзяржаўтаінспекцыя і «Мінская лесапаркавая гаспадарка» стварылі гэтую лясную сцежку працягласцю 600 метраў. У самым яе пачатку ўстанавілі дэкаратыўную шыльду — зручны арыенцір для наведвальнікаў пляжа.

Фота: «Мінская праўда»

— У тых, хто дабіраецца да пятага пляжа на аўтобусе, праблем не ўзнікае. Ёсць добраўпарадкаваная сцежка, для выгодаў адпачывальнікаў — лаўкі. Пляж №5 — самы модны. Сюды едуць жыхары Мінска, найбліжэйшых раёнаў. У пікавы перыяд прыязджае каля 2600 машын, тады як існыя стаянкі разлічаны амаль на 1000 месцаў. Паркоўкі запаўняюцца і ўзнікае затор, які цягнецца да Ждановічаў, — увёў у курс справы начальнік УУС Мінаблвыканкама Аляксандр Астрэйка.

Фота: «Мінская праўда»

Рашэнне праблемы ёсць: у пікавы перыяд адкрываць для выезду машын тэхналагічны праезд, які ідзе паралельна экасцежцы. А дарога, якая вядзе да пляжа, на гэты час будзе аднабаковай.

Уладзімір Кухараў. Фота: «Мінская праўда»

— Але гэта толькі ў перыяд наплыву адпачывальнікаў. У звычайныя дні тэхналагічную дарогу закрыюць на шлагбаум. А дарога да пляжа будзе двухбаковай, — удакладніў Аляксандр Астрэйка.

Фота: «Мінская праўда»

На канец лета запланавалі рэалізацыю яшчэ аднаго праекта — будаўніцтва вялікага разваротнага кальца і ўстаноўка пры ўездзе на паркоўку шлагбаума. Пасля таго як усе месцы на стаянцы запоўняцца, шлагбаум для ўезду закрыюць. Машыны будуць паркавацца ўздоўж дарогі.

Аляксандр Турчын. Фота: «Мінская праўда»

Як адзначыў Аляксандр Турчын, таксама ў планах будаўніцтва веласцежкі і пешаходнай сцежкі ад кальцавой дарогі праз Ждановічы. Гэта будзе зроблена для зручнасці беларусаў, якія карыстаюцца велатранспартам.

Іван Кубракоў. Фота: «Мінская праўда»

Аляксандр Турчын і Іван Кубракоў азнаёміліся таксама з найноўшымі сродкамі патрулявання пляжаў. На ўзбраенні міліцыі — дроны і электрасамакаты, забяспечаныя вогнетушыцелем, аптэчкай, вадой.

Дрон і самакаты будуць выкарыстоўвацца для адсочвання сітуацыі на ўсіх пляжах Заслаўскага вадасховішча.

Фота: «Мінская праўда»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Герасим/адказаць/
02.06.2023
Ну кухареаым, турчиным и кубраковым занятие по интеллекту. Дорожки для пляжа! Особенно кухареву и турчыну. Не зря Тозик смеялся над этими парнями.
1
Жданоў да /адказаць/
02.06.2023
Яна існуе даўно, ідзе ўздоўж Заслаўскай шашы ад Жданоў да пірса.
02.06.2023
лучше бы мусороперерабатывающий завод построили, а не пирамиды Хеопса возле Минске из мусора строят.Артензианскую воду по всему Минску подключили .А так это пиар на костях.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера