Знайсці
28.05.2023 / 20:3113РусŁacБел

Эрдаган выйграе прэзідэнцкія выбары ў Турэччыне — папярэднія даныя

У Турцыі сёння прайшоў другі тур прэзідэнцкіх выбараў. Пасля апрацоўкі больш за 98% бюлетэняў Эрдаган атрымлівае 52% галасоў, Кылычдароглу — 48%, паводле агенцтваў навін. 

Рэджэп Таіп Эрдаган. Фота: Firdia Lisnawati / AP

Афіцыйных жа вынікаў пакуль не было. Паводле апошніх афіцыйных звестак выбарчай камісіі, якая падлічыла 75% галасоў, Эрдаган мае 53,41%, Кылычдароглу — 46,59%. 

Агенцтвы, якія даюць лічбы, арыентуюцца на даныя пра падлічаныя адчыненыя скрыні. Яны ўсе называюць Эрдагана пераможцам.

Выступаючы перад сваімі прыхільнікамі, Эрдаган сам абвясціў сябе пераможцам выбараў.

Лідары розных краін пачалі віншаваць Эрдагана з перамогай на выбарах. Сярод тых, хто паспяшаўся гэта зрабіць, — прэм'ер-міністр Венгрыі Віктар Орбан, прэзідэнт Узбекістана Шаўкат Мірзіёеў і эмір Катара.

Рэджэп Таіп Эрдаган кіруе краінай 20 гадоў. У першым туры два тыдні таму яму не хапіла менш за паўпрацэнта для перамогі.

Ён атрымаў 49,5% галасоў, а кандыдат аб'яднанай апазіцыі Кемаль Кылычдароглу — 45%. Трэці кандыдат, прадстаўнік правага нацыяналістычнага крыла турэцкай палітыкі, Сінан Аган атрымаў 5,7% і заклікаў сваіх прыхільнікаў галасаваць у другім туры за Эрдагана.

Чытайце таксама:

Курс турэцкай ліры ўпаў да чарговага гістарычнага мінімуму

Выбары стагоддзя ў Турцыі: чаму за імі сочыць уся Еўропа

Эрдаган назваў першы тур «святам дэмакратыі» і ўпэўнена сказаў, што пераможа ў другім

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Ты тоже походу «золотой»/адказаць/
28.05.2023
ром, лукашистам все не дают покачать яйца.
0
Казік/адказаць/
29.05.2023
Симпатичный, абсалютныя манархіі не называлі сябе дэмакратыямі. А ў парламенцкіх манархіях іх улада абмежаваная і спалучаецца з дэмакратычным працэсам.
0
Симпатичный/адказаць/
29.05.2023
Казік, и что с того, монархи не имею власти? Или они против демократии? Почему ты их не хочешь устранить? Даже там где нет монархов и президенты меняются, но кукловоды остаются одни и те же.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера