Знайсці
27.05.2023 / 14:343РусŁacБел

Сумнавядомы гомельскі правакатар распыліў слезацечны газ і быў затрыманы

Ён паскардзіўся на дзеянні міліцыі ў сваім відэа, але неўзабаве яго выдаліў.

Гомельскі правакатар Яўген Катляроў (Какойта) 24 мая апублікаваў у фэйсбуку відэа, на якім паказана затрыманне яго міліцыяй. Катляроў паскардзіўся на супрацоўніка ДАІ, які ўжыў сілу ў дачыненні да яго сябра:

«Вось гэта супрацоўнік ДАІ практыкуецца на чалавеку са зламанай рукой», — пракаментаваў відэа з затрыманнем сябра Катляроў.

«Флагшток» распавядае, што адбылося.

Гісторыю здарэння расказаў сам Катляроў у YouTube пару дзён таму. Відэазапіс ужо выдалены, але «Флагшток» зрабіў копію.

На відэа Катляроў паказаў запіс з рэгістратара ў яго аўтамабілі. У рэгістратары паказаная няправільная дата. Умовы надвор'я і наяўнасць машкары паказваюць на тое, што запіс мог быць зроблены 22 мая, калі ўпершыню фрагмент гэтага відэа з'явіўся ў гомельскім аўтамабільным чаце.

Па словах Катлярова, ён разам са сваім знаёмым Рыгорам і яшчэ некалькімі людзьмі прыехалі на месца ДТЗ, якое адбылося на трасе М-8 недалёка ад вёскі Сасноўка пад Гомелем. Спачатку ён сустрэў вінаватага ў ДТЗ — кіроўцу грузавіка. На яго аўтамабілі на хаду зляцела кола і ўдарыла як мінімум у адзін легкавы аўтамабіль.

Затым Катляроў пад'ехаў разам з вінаватым у ДТЗ да пацярпелых кіроўцаў некалькіх легкавых аўтамабіляў. Пацярпелыя прынялі Катлярова за вінаватага ў ДТЗ. Прыехаў нарад ДАІ Гомельскага раёна, верагодна, падумаў гэтак жа.

У гэты момант завязалася бойка, адзін з пацярпелых у ДТЗ рэзкім рухам рукі напалохаў Катлярова. Катляроў пастараўся яго ўдарыць, але ў яго нічога не атрымалася. Затым ён стаў распыляць балончык са слезацечным газам, імкнучыся трапіць у твары дваіх мужчын.

У выніку работнік ДАІ паклаў Катлярова на зямлю. Іншы міліцыянт жорстка паклаў на зямлю знаёмага Катлярова — Рыгора.

Па словах Катлярова, у міліцыянта не аказалася кайданкоў і ён пакінуў аднаго з пацярпелых ахоўваць Рыгора. У працэсе затрымання ў Рыгора былі раздробленыя косткі рукі. У пацвярджэнне Катляроў размясціў фатаграфію Рыгора ў бальніцы з траўмаванай рукой.

Дзеянні даішнікаў Катляроў пракаментаваў у мяккай форме:

«Хачу падкрэсліць «найвышэйшую» кваліфікацыю нашых двух гомельскіх даішнікаў з Гомель-сельскай, так званага… Прафесіяналізм нашых даішнікаў і ўпартасць — во!»

Апроч таго, Катляроў паведаміў, што міліцыянт хоча яго засудзіць «за непадпарадкаванне». Як доказ гэтага ён прывёў аўдыязапіс размовы.

«Вы можаце мяне чапляць, толькі ў судзе мы сустрэнемся з вамі. Вы гэта разумееце самі. Я маю права сам сустрэчны пазоў напісаць на вас. … На што? Па-першае, за непадпарадкаванне…» — паведамляе даішнік Катлярову па тэлефоне.

Праз суткі Катляроў выдаліў публікацыю аб тым, што адбылося, са сваёй старонкі ў фэйсбуку. Сёння там з'явілася паведамленне аб магчымым пераследзе Катлярова.

Міліцыя не ўключыла гэты інцыдэнт у свае зводкі.

Чытайце таксама:

Правакатар з Гомеля спрабуе падмануць незалежныя СМІ. Часам атрымліваецца

Праўладныя прапагандысты павяліся на фэйк пра Пушкіна ад гомельскага правакатар

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
даведка/адказаць/
27.05.2023
У гомельского гаишника не оказалось при себе наручников, а только железная каска на голове времён ВОВ.
1
Ганьба/адказаць/
27.05.2023
[Рэд. выдалена]
0
Эннот/адказаць/
27.05.2023
Так я и не понял кто победил ? Блогеры ,потерпевшие или гаишники ? Но понятно одно,что все ,без особой причины , готовы друг другу перегрызть горло.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера