Дзіцячаму трэнеру па футболе пакінулі прысуд у сіле. Хутка яго этапуюць у калонію
Сёння ў Мінгарсудзе разглядзелі апеляцыйную скаргу палітвязня Алега Швайко. Суддзя Валянціна Зянькевіч пакінула прысуд без зменаў, а скаргу — без задавальнення.
Алега асудзілі ў сакавіку ў судзе Маскоўскага раёна сталіцы да двух гадоў калоніі. Яго прызналі вінаватым паводле ч. 1 арт. 342 КК за падзеі 2020 года.
Акрамя таго, суддзя вынесла ў асобную грамадзянскую вытворчасць пазоў за «перакрыццё дарог» на 69 тысяч рублёў, піша «Вясна».
Алег працаваў з жаночай камандай у футбольным клубе «Мінск». Вядома, што ён выказваў актыўную пазіцыю наконт падзей у Беларусі ў 2020 годзе. У канцы 2021-га трэнер пакінуў структуру «Мінска» і пачаў трэніраваць дзяцей у іншых футбольных школах.
Падтрымаць палітвязня: Турма № 4. 212011, г. Магілёў, вул. Крупскай, 99А, Алег Аляксандравіч Швайко
