Знайсці
25.05.2023 / 21:074РусŁacБел

Высокі амерыканскі генерал патлумачыў, чаму Захад марудзіў з рашэннем аб F-16 для Украіны

Старшыня Аб'яднанага камітэта начальнікаў штабоў ЗША генерал Марк Мілі заявіў, што знішчальнікі F-16 пакуль не былі б дастаткова дзейснымі для забеспячэння абароны паветранай прасторы, паколькі ў Расіі захоўваецца значная перавага ў авіяцыі.

Знішчальнік F-16. Фота: Wikimedia Commons

Пра гэта Мілі заявіў па выніках пасяджэння кантактнай групы па пытаннях Украіны ў чацвер, паведамляе «Еўрапейская праўда».

Па словах топ-генерала ЗША, адным з ключавых пытанняў у перадачы Украіне F-16 было забеспячэнне кантролю за паветранай прасторай.

«Самы хуткі і танны спосаб абараніць паветраную прастору —рабіць гэта з зямлі і выкарыстоўваць эфектыўныя наземныя сістэмы СПА. Гэта найбольш эфектыўны шлях перашкодзіць расейцам атрымаць перавагу ў паветры, і якраз гэта мы рабілі», — сказаў ён.

Па яго словах, перадача 10 знішчальнікаў F-16 можа абыйсціся ў 2 мільярды даляраў, уключаючы тэхнічнае абслугоўванне.

«У расейцаў — тысячы самалётаў-знішчальнікаў чацвёртага і пятага пакаленняў. Таму каб супрацьстаяць ім у паветры, патрэбная істотная колькасць знішчальнікаў чацвёртага і пятага пакаленняў», — дадаў Мілі.

Ён, аднак, адзначыў, што ў будучыні F-16 будуць граць ролю ў складзе Ваенна-паветраных сіл Украіны, але на тое, каб пабудаваць паветраныя сілы неабходнага аб'ёму і магутнасці, сыдзе значная колькасць часу.

Раней кіраўнік Пентагона Лойд Осцін выказаў надзею на тое, што навучанне ўкраінскіх лётчыкаў пілатаванню знішчальнікамі F-16 пачнецца ў найбліжэйшыя тыдні. Украінскія пілоты будуць праходзіць навучанне на знішчальніках F-16 на вайсковых базах у Еўропе, як заяўляў Пентагон.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Генерал Прытрындоўскі/адказаць/
25.05.2023
Мільярд — гэта за 33 штукі хіба.
25.05.2023
Хех, таки да. Укр сми хз как перевело, бел перепечатало... а в оригинале: "There are no magic weapons,” said Army Gen. Mark Milley, chairman of the Joint Chiefs of Staff, who spoke alongside Austin at a Pentagon press conference. He said providing 10 F-16s could cost $2 billion, including maintenance." 2 млрд - это 10 самолетов
1
Усе ўжо вырашана/адказаць/
26.05.2023
Захад прайграе ўрэшце бо над та марудзіць
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера