Знайсці
24.05.2023 / 16:043РусŁacБел

«Вы не так зразумелі». Лукашэнка запатрабаваў адпраўляць у «прэзідэнцкую клініку» людзей з чаргі на МРТ — журналісты паспрабавалі туды запісацца

Учора на нарадзе па пытаннях аховы здароўя Аляксандр Лукашэнка абурыўся чэргамі на КТ і МРТ і запатрабаваў накіроўваць усіх, хто мае патрэбу, у «прэзідэнцкую клініку», то-бок у Рэспубліканскі клінічны медыцынскі цэнтр для чыноўнікаў. Журналісты «Зеркала» патэлефанавалі ў клініку, каб даведацца, як запісацца на МРТ тым, хто вельмі доўга чакае. Аказалася, усё не так проста. 

— Падкажыце, калі ласка, учора Аляксандр Рыгоравіч сказаў, што людзям з рэгіёнаў можна будзе запісвацца на МРТ у Мінск у Рэспубліканскі медцэнтр. Я сама з невялікага горада, і ў мяне запіс толькі на люты. А тут, выходзіць, можна будзе хутчэй у вас зрабіць. Скажыце, а што для гэтага патрэбна? — спытала карэспандэнтка, якая патэлефанавала як звычайная грамадзянка. 

Ёй у кол-цэнтры адказалі, што калі ёсць пісьмовая рэкамендацыя або накіраванне, то калі ласка, але па запісе і за грошы. 

— Проста ў выступе гаворка ішла пра бясплатнае абследаванне, — заўважыла карэспандэнтка.

— Бясплатна абслугоўваецца толькі прымацаванае насельніцтва, — адказалі ёй.

— А гэта, атрымліваецца, мінчане?

— Не, у цэнтры абслугоўваюцца дзяржслужачыя па пасадах, што яны займаюць. Толькі яны могуць зараз атрымліваць паслугі бясплатна. Усе астатнія могуць атрымліваць паслугі толькі на платнай аснове. Бясплатна вы абслугоўваецеся па месцы жыхарства.

На заўвагу, што прэс-служба Лукашэнкі перадавала інфармацыю зусім інакш, карэспандэнтцы адказалі, што яна, мабыць, «не зусім правільна зразумела». 

— Тут, вы ж разумееце, кожны чалавек прымацаваны да пэўнай медыцынскай установы. Вы — па месцы жыхарства, тыя пацыенты, якія абслугоўваюцца тут, у цэнтры, — прымацаваныя па месцы працы, у асноўным гэта дзяржслужачыя. Калі вы не адносіцеся да катэгорыі дзяржслужачых, то вы не можаце атрымаць паслугі ў нашым цэнтры бясплатна. Вы можаце атрымаць іх на платнай аснове.

На нарадзе 23 мая Аляксандр Лукашэнка ўчыніў дэманстратыўны разнос чыноўнікам і працаўнікам аховы здароўя. І паставіў дэдлайн: выправіць усе недахопы за паўгода — да 1 студзеня 2024 года.

Чытайце таксама:

Лукашэнка прыгразіў кіраўнікам аблвыканкамаў, што здзярэ з іх скуру. За што?

«Мучыцца вы са мной будзеце доўга». Лукашэнка сказаў, што ў яго быў адэнавірус

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Народ/адказаць/
24.05.2023
Лукашенко говорил о бесплатном. По месту жительства, абельская, очередь по полгода. Платно за зп в 600 р не получается. Вам же, суки, лукаку сказал бесплатно! Госслужащие, которые гнобят страну, ее экономику, с зарплатами от 2,5 тыс получают эту услугу бесплатно, а нищие должны платить? А сколько берез возле вашего чудного заведения?
0
срэбная куля/адказаць/
24.05.2023
не - там не березы надо, а осинки
0
Пан Усялян/адказаць/
24.05.2023
Бог багатаму і ў кашу валіць, а беднаму і ў поліўку лік. Для рабоў усё толькі за грошы, а для рабаўладальнікаў усё задарма... Уся як і павінна быць, сацыяльна арыентаваная дзяржава...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера