Памяняецца звыклы вобраз мінскай Камароўкі
Будынак крытага Камароўскага рынку збіраюцца ўсярэдзіне ўпрыгожыць дэкаратыўнымі панэлямі з сюжэтамі народнай культуры і арнаментам, паведаміў падчас аператыўнай нарады ў Мінгарвыканкаме генеральны дырэктар рынку Мікалай Хмяльніцкі.
«Антрэсольную частку крытага рынку ўпрыгожыць арнамент. Яна будзе гатовая да пачатку чэрвеня. Дэкараванне 16 калон усярэдзіне рынку плануецца завяршыць да канца ліпеня», — сказаў Хмяльніцкі, якога цытуе агенцтва «Мінск-Навіны».
Акрамя таго, невялікія змены чакаюць і плошчу перад уваходам у крыты рынак. На ёй размесцяцца сучасныя ліхтары. Што да гандлёвых радоў, то на іх абновяць дах.
Мікалай Хмяльніцкі паведаміў таксама, што на Камароўскім рынку цяпер занята 86% гандлёвых месцаў.
Чытайце таксама:
На Камароўцы ўжо прадаюць маладую бульбачку. Якая цана?
На Камароўцы паявіліся першыя беларускія маліны. Цана кусаецца
На мінскай Камароўцы з'явіліся абрыкосы, але па атамнай цане
