Знайсці
21.05.2023 / 21:11РусŁacБел

Мінадукацыі: ад ЦЭ вызваленыя больш за 500 чалавек па краіне

Ад цэнтралізаванага экзамену вызваленыя больш за 500 чалавек па краіне, паведаміў намеснік міністра адукацыі Аляксандр Кадлубай.

«Па краіне ЦЭ не здаюць крыху больш за 500 чалавек, дзеліцца гэтая колькасць прапарцыйна. Каля 250 у нас — гэта пераможцы алімпіяд, і яшчэ 250 — тыя, хто навучаецца дома. Лічба па алімпіядах у нас, вядома, большая, але хтосьці з гэтых хлопцаў і дзяўчат усё ж такі вырашыў здаваць ЦЭ: зарэгістраваўся і здаў яго, каб пашырыць сваю траекторыю паступлення, як патлумачылі бацькі», — патлумачыў Кадлубай.

Як патлумачыў дырэктар РІКВ Юрый Міксюк, ад здачы ЦЭ вызваляюцца пераможцы алімпіяд. Пераможцы трэцяга этапу маюць права на вызваленне ад ЦЭ толькі па адным прадмеце — прадмеце алімпіяды. Пераможцы заключнага, чацвёртага этапу, у цэлым могуць быць вызваленыя па іх жаданні ад выпрабаванняў па двух прадметах ЦЭ.

Вызваляюцца ад цэнтралізаванага экзамену і тыя, хто праходзіць навучанне дома альбо па медыцынскіх прычынах не можа прайсці іспыты ў выглядзе ЦЭ. Гэтая катэгорыя дзяцей здае выпускныя экзамены ва ўстанове адукацыі ў іншай форме. Уступныя выпрабаванні яны таксама могуць здаваць у ВНУ ў іншай форме.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера