У Гродне з'явіцца цэлы квартал з расійскімі назвамі вуліц
Вынікі грамадскага абмеркавання па пытанні назвы новых гарадскіх вуліц падвялі ў Гродзенскім гарвыканкаме, паведаміў тэлеканал «Гродна Плюс». Гаворка ідзе пра ўчастак ад вуліцы Карскага да Азёрскай шашы і ад яго да мікрараёна Забалаць, а таксама ў мікрараёне Баранавічы-11.
Падчас пасяджэння
Паводле агучаных вынікаў грамадскага абмеркавання, «амаль 63% аддалі свой голас за тое, каб адна з вуліц была названая ў гонар Сяргея Прытыцкага, і толькі 37% спадабаўся варыянт «вуліца Усходняя Кальцавая». Таму цяпер рашэннем тапанімічнай камісіі ўчастак дарогі ад вуліцы Карскага да Забалаці будзе насіць назву Прытыцкага.
У той жа час у мікрараёне Баранавічы-11 імёны атрымалі 7 вуліц і тры завулкі. Цэнтральная з гэтых вуліц атрымае назву Пабрацімская, а ад яе будуць адыходзіць усе астатнія: вуліца Валагодская, завулак Валагодскі, вуліца Габалінская, завулак Габалінскі, вуліца Калінінградская, вуліца Ашкелонская, вуліца Ухцінская, завулак Ухцінскі, вуліца Хімкінская.
Такім чынам, тут, як і планавалася раней, вуліцы будуць названыя ў гонар гарадоў-пабрацімаў Гродна, большасць з якіх расійскія.
Чытайце таксама:
Прапануюць зрабіць «расійскі» квартал? Гродзенцаў запрашаюць да абмеркавання назваў вуліц
У Гродне ў рацэ вылавілі рэдкую чырванавухую чарапаху. Яна жыве толькі ў ЗША і Мексіцы
