Сталі вядомыя тэрміны ўступнай кампаніі ў каледжы і вучылішчы
Падаваць дакументы на адну са спецыяльнасцяў у ССНУ можна з 20 ліпеня. Адбор працягнецца месяц, але ёсць і выключэнні ў залежнасці ад формы навучання.
Фота ілюстрацыйнае
Тэрміны ўступнай кампаніі вызначаныя пастановай Міністэрства адукацыі №149, апублікаванай на Нацыянальным прававым інтэрнэт-партале.
Для тых, хто збіраецца паступаць у каледжы на дзённую бюджэтную форму пасля 9 класаў школы, прыём дакументаў заканчваецца 3 жніўня.
Асаблівыя тэрміны прыёму будуць у тых, хто плануе вучыцца на вячэрняй або завочнай форме па спецыяльнасцях «Сельская гаспадарка» і «Ветэрынарыя» — з 15 кастрычніка па 30 лістапада. У выпадку недабору ССНУ могуць абвясціць аб працягненні набору да 15 верасня.
На ўзровень сярэдняй спецыяльнай адукацыі ў 2023 годзе плануецца прыняць больш за 39 тысяч абітурыентаў, з іх каля 27 тысяч — на бюджэтную форму.
Чытайце таксама:
Мінадукацыі назвала фэйкам інфармацыю аб працы над памылкамі ЦЭ
Што хвалюе беларускую моладзь і колькі з іх хочуць заставацца ў краіне
