Знайсці
17.05.2023 / 23:0014РусŁacБел

Алейнік спадзяецца, што кітайцы пры арганізацыі перамоў паміж Украінай і Расіяй не забудуць і пра рэжым Лукашэнкі

Афіцыйны Мінск спадзяецца, што спецпрадстаўнік Кітая наведае Беларусь, а інтарэсы рэжыму Лукашэнкі будуць улічвацца на перамовах паміж Украінай і Расіяй. Такое пажаданне міністр замежных спраў Сяргей Алейнік выказаў па выніках перамоў са сваім расійскім калегам Сяргеем Лаўровым у Маскве.

Сяргей Алейнік. Фота: МЗС Беларусі

«Таму мы, са свайго боку, натуральна, таксама будзем уважліва сачыць за гэтым працэсам, за прасоўваннем гэтай ініцыятывы, за перамовамі кітайскага спецпрадстаўніка ў Расіі, ва Украіне. Ну, ён, дарэчы, збіраецца і ў Францыю, і ў Германію, і ў Польшчу.

Спадзяёмся, што на нейкім этапе ён заедзе і ў Беларусь, таму што Беларусь заўсёды была і застаецца пляцоўкай для мірных перамоў», — заявіў Алейнік, адзначыўшы, што ў Мінску за гэтым працэсам будуць уважліва сачыць.

«І натуральна, будзем разлічваць, што

нашы інтарэсы ў гэтым перамоўным працэсе як сумежнай краіны, як краіны, якая на ўсіх этапах удзельнічала ў мірных перамовах, звязаных з урэгуляваннем канфлікту ва Украіне, будуць таксама ўлічаныя», — сказаў Алейнік.

Раней Кітай прызначыў былога свайго амбасадара ў Расіі Лі Хуэя спецпрадстаўніком ва Украіну. Дыпламат нібыта ўжо прыбыў ва Украіну і мае сустрэцца з Уладзімірам Зяленскім.

Чытайце таксама:

Кіраўнік МЗС Беларусі пракаментаваў праверкі на беларуска-расійскай мяжы

Санкцыі ЕС могуць пашырыцца на кітайскія кампаніі за пастаўкі ў Расію. Кітай папярэджвае пра наступствы

Пасол Кітая паставіў пад сумнеў легітымнасць постсавецкіх дзяржаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
18.05.2023
Не забудут.. Не простят
0
Ректор/адказаць/
18.05.2023
[Рэд. выдалена]
0
Не забудзем/адказаць/
18.05.2023
Мы пра табе не забудзем, алейнік. Пра ўсіх вас не забудзем. Рэгулярна вас згадваем, пайменна.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера