Знайсці
17.05.2023 / 21:355РусŁacБел

Варта прыглядацца да птушак на палях. Магчыма, атрымаецца зафіксаваць сенсацыю

Такую рэкамендацыю дае тэлеграм-канал «Дзікая прырода побач», бо мае ўжо два паведамленні, што ў Беларусі сёлета нібыта ўжо бачылі дропаў (дрофаў), якіх у нас не назіралі ўжо больш за 70 гадоў.

Здымак ілюстрацыйны. Фота: José Antonio Lagier Martin / Wikimedia Commons

Самыя апошнія дакладныя рэгістрацыі гэтых птушак адносяцца да 50-х гадоў мінулага стагоддзя. Тады адзінкавых птушак бачылі ў ваколіцах горада Высокае і каля вёскі Мартынюкі (асабістае паведамленне Фёдара Кузько). Абедзве лакацыі, як і папярэднія рэгістрацыі, знаходзяцца ў Камянецкім раёне.

І вось нечакана каналу «Дзікая прырода побач» цікавую інфармацыю паведаміў Вадзім Пракапчук. Ягоны сябра, Іван Каляда, 7 мая ў тым жа Камянецкім раёне каля вёскі Хадасы нібыта бачыў дропаў — самца і дзвюх самак. Мужчына вельмі добра разгледзеў птушак — яны былі на полі недалёка ад дарогі. Іван нават сфатаграфаваў іх з аўто на тэлефон, але, на жаль, якасць фота атрымалася нездавальняючая.

Пра яшчэ адно магчымае назіранне дропаў паведаміў Аляксандр Марзан. 14 мая ён нібыта бачыў дзвюх буйных птушак, вельмі падобных да дропаў, на полі каля гомельскай трасы, паміж Драгічынам і Антопалем.

Дроп — масіўная птушка з шырокімі грудзьмі і тоўстай шыяй, памерам прыкладна з бусла. Ён уключаны ў Чырвоныя кнігі ўсіх краін.

Чытайце таксама:

На Гомельшчыне заўважылі вельмі рэдкую для Беларусі птушку

Павярталіся з выраю вялікія арляцы. Але не ва ўсіх гэтых рэдкіх у нас птушак усё добра

Птушкі нярэдка сутыкаюцца з шыбамі, асабліва падчас міграцый. Як ім памагчы ўратавацца?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
Сярожа /адказаць/
18.05.2023
Скорее всего они прилетели сюда из-за войны в Украине. Думаю боевые действия вынудили многих животных уйти севернее.
0
умка/адказаць/
18.05.2023
а там жа замініравана
0
Юзік са станцыі Крулеўшчына/адказаць/
18.05.2023
Варта прыглядацца да птушак на палях. Магчыма, атрымаецца зафіксаваць сенсацыю

Дык жа дайце хоць якую метадычку! Адкуль мне ведаць, што перад мной сенсацыя сядзіць ці бегае?
Я неяк быў у Галубіцкай пушчы... Стаіць на лясной дарозе нейкая вялізная птушка... Спалохалася мяне. Дык яна не тое, што пырхнула і паляцела! Яна метраў 15 разгон набірала -- як цяжкі бамбавік -- і толькі тады адарвалася ад зямлі! А што за птушка? Ды, пярун яе ведае! А была б метадычка, дык сам бы рады даў!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера