У Расіі звольнілі кіраўніка навуковага цэнтра, які выпускаў бескарысную вакцыну ад кавіду
Гендырэктара навуковага цэнтра вірусалогіі і біятэхналогіі «Вектар» Рыната Максютава адхілілі ад пасады «з-за парушэння закона аб супрацьдзеянні карупцыі і выяўлення канфлікту інтарэсаў», заявілі ў Расспажыўнаглядзе.
Паводле крыніц СМІ, звальненне адбылося «ў сувязі са стратай даверу».
У 2020 годзе «Вектар» стварыў вакцыну супраць каранавіруса «ЭпіВакКарона». Яна была зарэгістраваная без правядзення клінічных даследаванняў па эфектыўнасці. Як паказалі даследаванні журналістаў «Медузы» і Еўрапейскага ўніверсітэта, «ЭпіВакКарона» не здольная абараніць вакцынаваных ад COVID-19.
Чытайце таксама:
Расія прызнала, што вакцына, якой прышчапіўся Макей, мае амаль нулявую эфектыўнасць
«ЭпіВакКарона» неэфектыўная супраць кавіду і нават шкодная. А ёй прышчапляўся Макей
