Знайсці
16.05.2023 / 17:225РусŁacБел

На «ліквідаванага» выдаўца Змітра Коласа павесілі судовыя выдаткі за працэс, ініцыяваны Мінінфармам

Незалежнага выдаўца Змітра Коласа абавязалі пакрыць выдаткі, якія нібыта панесла Міністэрства інфармацыі падчас працэдуры ліквідацыі яго прыватнага бізнэсу, паведамляе Беларуская асацыяцыя журналістаў.

Непрыемным сюрпрызам для выдаўца аказалася патрабаванне Эканамічнага суда Мінска адносна кампенсацыі выдаткаў, якія панесла… Міністэрства інфармацыі.

Як прагучала ў судзе, судовыя выдаткі ведамства па ліквідацыі апанента-прыватніка склалі 790 рублёў.

На фоне таго, што ў выдаўца засталіся фінансавыя абавязкі за ўзятыя ў працу замовы, а таксама неакрэсленасць з рэалізацыяй ужо надрукаваных накладаў, цяперашняе яго становішча блізкае да банкруцтва. Таму Зміцер Колас вымушаны звярнуцца па дапамогу, каб прынамсі закрыць пытанні з кнігамі, падпісанымі да друку.

Як стала вядома БАЖ, Колас абскарджваць рашэнне суда не будзе. Па-першае, з прычыны «абсалютнай прадказальнасці» выніку апеляцыі, а па-другое — праз непад’ёмныя матэрыяльныя выдаткі.

Выдавецтва Змітра Коласа ў судовым парадку закрылі 10 мая. Такім чынам, пасля амаль 35 гадоў у выдавецкай сферы Зміцер Колас вымушаны згарнуць дзейнасць.

Перад гэтым выдавец адбыў 10 сутак арышту ў следчай турме КДБ, так званай «амерыканцы». Патрапіў ён туды па сутнасці выпадкова, таму, што яго супрацоўнік, друкар Алег Сычоў, быў арыштаваны па справе дыверсіі супраць расійскага самалёта ў Мачулішчах.

Чытайце таксама:

Каго менавіта затрымалі ў вёсцы Чарцяж? Гэта сямейная пара, у іх двое дзяцей

Мінула 4 дні, як КДБ забраў выдаўца Змітра Коласа. Звязана са справай пра Мачулішчы?

Выдавецтва «Зміцер Колас» часова прыпыняе сваю дзейнасць. Ёсць звесткі, што Зміцер Колас — у КДБ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Шали/адказаць/
16.05.2023
Анфиса, вычтем у тебя из отпускных. Будешь месяц бесплатно постить комментарии
1
Анфиса/адказаць/
16.05.2023
Шали, ну давай, вычти. Помог бы единомышленнику материально, или жаба душит?
0
Нпуйы/адказаць/
16.05.2023
Анфиса, прамасквітка. Здрадніца.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера