У Вілейцы рабочага засыпала зямлёй
Днём 15 мая ратавальнікам паступіла паведамленне, што патрабуецца дапамога ў выцягванні мужчыны з-пад грунту на вуліцы Добрай Волі.
Скрыншот з відэа
Прыбыўшы на месца, супрацоўнікі МНС высветлілі, што пры работах па падрыхтоўцы траншэі для газавага трубаправода адбыўся абвал грунту (глыбіня 2 м, шырыня 1 м). У выніку дапамога патрабавалася мужчыну, якога прываліла грунтам.
«На месцы знаходзіліся калегі пацярпелага. Пры дапамозе рыдлёвак яны спрабавалі адкапаць мужчыну. Мы іх падмянілі. Калі вызвалілі мужчыну, пагрузілі яго на цвёрдыя насілкі і перадалі медыкам», — распавялі ў МНС.
Брыгада хуткай медыцынскай дапамогі даставіла пацярпелага ў бальніцу.
Чытайце таксама:
У Магілёве чалавек загінуў пры аглядзе дэльтаплана
У Віцебску мужчына прадаваў пульсаксіметры без сертыфікатаў. Яму прад'яўленае абвінавачванне
