Беларускі брэнд выпусціў кашулю з перапрацаванай кукурузы
Беларускі брэнд дызайнерскага адзення LSD выпусціў лімітаваную серыю кашуль, у складзе матэрыялаў для якіх 88% — гэта перапрацаваная кукуруза.
Марка LSD clothing была створаная ў 2016 годзе ў Віцебску і расшыфроўваецца як Lifestyle Simple Design. Галоўная фішка брэнда — калекцыі па прынцыпе канструктара, дзе ўсе рэчы лёгка спалучаюцца паміж сабой.
Што да новай кашулі, то дызайнеры сцвярджаюць, што ў яе складзе 88% — перапрацаваная кукуруза, а 12% — поліэстр.
Матэрыял рэкламуюць як прыемны навобмацак, прыдатны для алергікаў і ўладальнікаў уразлівай скуры; просты для догляду.
Акрамя таго, вытворчасць такой тканіны не шкодзіць навакольнаму асяроддзю, бо матэрыял добра раскладаецца і не забруджвае прыроду.
Чытайце таксама:
Вядомы дызайнерскі брэнд перапрадаваў рэчы з H&M? Скандал у беларускай модзе
